Магтаал ба мөргөлийн дуу “Бурхан хүн төрөлхтнийг гэрэлд авчирдаг” (үгтэй)

Бие махбодитой болсон Бурхан 

Өөрийн ажлаа хийхээр ирдэг.

Тэр хүмүүсийн дунд Өөрийгөө даруухнаар нууж,

үнэнийг илэрхийлж, тэднийг шүүн

мөнх амийн замд авчирдаг.

Бурханы үг Түүний бүхнийг чадагч байдлыг илчилж,

гүн нойрондоо автагсадыг сэрээдэг.

Тэр хүн төрөлхтнийг шүүж бас авардаг.

Хэн гэрэл чиглэн ирэхгүй байж чадах юм бэ!

Бурханы үг хоёр иртэй сэлэм мэт,

хүний ялзармал чанарыг ил гаргадаг.

Бурханы хүмүүс бүгд ариуссан.

Тэд гэрэлд амьдарч

Түүнд хамтдаа, өө хамтдаа шүтэн мөргөдөг.

Гамшгийн Үед Би Бурханы Хамгаалалтыг Харсан

Жан Минь, Бээжин хот

        2012 оны 7-р сарын 21-ны өглөө бороо ширүүн орж эхэлсэн. Үдээс хойш цуглаанд очих ёстой байсан ч бороо маш хүчтэй байхыг хараад явахыг хүссэнгүй. Гэхдээ 7 хоногт нэг л удаа болдог цуглаанд явахгүй бол чуулганы ажлаа хийх ямар ч нөхцөлгүй байх байлаа. Гадаа юу ч болж байсан, би тэдэнтэй нөхөрлөл хийх ёстой гэж бодоод цуглаан руу яарав. Үдээс хойш 16:00 цаг өнгөрч байхад цуглаан хийдэг газрын ах гэртээ ирээд: “Та нар цуглаан хийсээр байна уу, гэртээ харьцгаа, тэндээс маш их ус бууж ирж байна”гэж хэлэв. Би гадагш гүйн гарч харвал гол үерлэн маш их ус урсан ирж байлаа. Би өмнө нь тийм их ус харж байгаагүй бөгөөд гэртээ харих аргагүй болов. (Уг нь манайх тосгоноос хагас ли зайд байдаг.) Би маш их санаа зовж байлаа. Би юу ч хийж чадахгүй болж, цуглаан хийдэг газар маань газар өндөрт, илүү аюулгүй тул эргэж очихоос өөр аргагүй болов. Хэсэг хугацааны дараа хүмүүсийн шуугилдах дуу сонсдов. Би гарч ирж харвал манай тосгоны томчууд, хүүхдүүд бүгд олс, шон барин явж байлаа. Манай байшин юу болсныг би яаран асуухад хэн нэг нь надад байшин чинь урсаагүй, гэхдээ хашааны гаднах усны түвшин өндөр байсан гэв. Би дотроо бүх зүйл Бурханы гарт байдаг. Байшин урссан ч Бурханд илүү сайн зорилго бий гэж бодов:.

Ѳдѳр тутмын Бурханы үг “Цор ганц Бурхан Өөрөө I” (Эшлэл 11)

         Сатаны онцгой ялгамж чанар нь, маш олон хүнийг түүний янз бүрийн талын илэрхийллүүдийг хүчтэй сонирхоход хүргэсэн. Сатан ч гэсэн бас Бурхан шиг эрх мэдэл эзэмшдэг, учир нь Сатан гайхамшгийг үзүүлж, хүн төрөлхтөнд боломжгүй зүйлсийг хийх чадвартай гэж итгэдэг олон мунхаг хүмүүс хүртэл байдаг. Иймээс хүн төрөлхтөн Бурханыг шүтэхийнхээ сацуу зүрх сэтгэлдээ Сатанд ч бас орон зай үлдээж, тэр ч бүү хэл Сатаныг Бурхан хэмээн шүтдэг. Эдгээр хүмүүс өрөвдөлтэй агаад жигшмээр. Тэд мунхаг учраас өрөвдөлтэй ба тэд тэрслүү, төрөлхийн ёрын муу мөн чанартай учраас жигшмээр. Энэ үед Би, эрх мэдэл гэж юу вэ, энэ нь юуг бэлгэддэг, юуг төлөөлдөг вэ гэдгийг та нарт хэлэх нь чухал хэмээн бодлоо.

Ѳдѳр тутмын Бурханы үг “Бурханы ажил, Бурханы зан чанар ба Бурхан Өөрөө III” (Эшлэл 13)

          Одоо дараах эшлэлийг авч үзэцгээе: “Гэвч Би та нарт хэлье, энэ газарт сүмээс ч илүү аугаа Нэгэн байна. Хэрэв та нар Би тахилыг бус, өршөөлийг хүсдэг гэсэн нь ямар утгатай болохыг ойлгосон бол гэмгүй нэгэнийг буруутгахгүй байх байсан. Учир нь хүний Хүү Амралтын өдрийн ч Эзэн мөн” (Mатай 12:6-8). Энд “сүм” гэж юуг хэлж байна вэ? Энгийн үгээр хэлбэл, “сүм” гэж сүр жавхлантай, өндөр барилгыг хэлдэг ба Хуулийн эрин үед сүм нь тахилчид Бурханд шүтэн мөргөдөг газар байсан юм. Эзэн Есүс “энэ газарт сүмээс ч илүү агуу нэгэн байна” гэхдээ “нэгэн” гэж хэнийг хэлсэн бэ? Мэдээжээр, “нэгэн” гэдэг нь бие махбодтой Эзэн Есүс байсан, учир нь зөвхөн Тэр л сүмээс илүү агуу байлаа. Тэдгээр үг нь хүмүүст юу хэлсэн бэ? Тэдгээр нь хүмүүсийг сүмээс гар гэж хэлсэн–Бурхан аль хэдийн гарсан бөгөөд тэнд ажиллахаа больсон байсан, тиймээс хүмүүс сүмийн гадна Бурханы мөрийг хайж, Түүний шинэ ажилд Түүний алхмыг дагах ёстой юм. Эзэн Есүс үүнийг хэлсний цаад шалтгаан бол хуулийн доорх хүмүүс сүмийг Бурханаас Өөрөөс нь илүү агуу зүйл гэж үздэг болсон байв. Өөрөөр хэлбэл, хүмүүс Бурханд шүтэн мөргөхөөс илүү сүмд шүтэн мөргөж байсан учраас шүтээнийг шүтэлгүй харин Бурханыг шүт, учир нь Тэр бол дээдийн дээд гэдгийг Эзэн Есүс тэдэнд анхааруулжээ.

Ѳдѳр тутмын Бурханы үг “Цор ганц Бурхан Өөрөө I”(Эшлэл 8)

　　　Бурханыг үгээ хэлмэгц Бурханы эрх мэдэл энэ ажлыг хариуцан авч, Бурханы амаараа амласан баримт нь аажмаар бодит байдал болдог. Үүний үрээр бүх зүйлийн дунд, хавар ирэх, зүлэг ногоорох, цэцэг дэлгэрэх, мод нахиалах, шувууд жиргэх, галуу буцаж ирэх, талбай хүмүүсээр дүүрэх гэх мэтээр юм бүхэнд өөрчлөлт гарч эхэлдэг… Хавар ирснээр бүх зүйл сэргэсэн ба энэ нь Бүтээгчийн гайхалтай үйл хэрэг юм. Бурхан амлалтаа биелүүлэх үед тэнгэр газар дахь бүх зүйл Бурханы бодлын дагуу шинэчлэгдэж, өөрчлөгддөг—юу ч үүнээс ангид байдаггүй. Бурханы амнаас үүрэг, амлалт гарах үед бүх зүйл үүний хэрэгжилтэд үйлчилж, үүний хэрэгжилтийн төлөө жолоодуулж, бүх бүтээл Бүтээгчийн эрх мэдэл дор зохион байгуулагдан, зохицуулагдаж, тус тусын үүргээ биелүүлж, дор бүрнээ чиг үүргээ гүйцэтгэдэг. Энэ нь Бүтээгчийн эрх мэдлийн илрэл юм. Үүнээс чи юу олж харж байна вэ? Бурханы эрх мэдлийг чи хэрхэн мэддэг вэ? Бурханы эрх мэдэлд цар хүрээ бий юу? Цаг хугацааны хязгаар бий юу?

“Сайн нь шагналаа, муу нь шийтгэлээ хүртэнэ” гэж хүмүүс үргэлж хэлдэг, тэгвэл Бурхан яагаад одоо бүх муу хүнийг устгадаггүй юм бэ?

Библийн холбогдох эшлэлүүд:

“Тэнгэрийн доорх бүхэн тохиромжит цагтай бөгөөд бүх хэрэг явдал цаг хугацаатай” (Номлогчийн үг 3:1).

“Ноагийн өдрүүдэд ямар байсан шиг Хүний Хүүгийн өдрүүдэд ч бас тийм байх болно. Ноа бүхээгт орох өдрийг хүртэл тэд идэж, ууж, гэрлэж, нөхөрт гарцгааж байсан ба үер болж, тэднийг бүгдийг нь устгажээ. Лотын өдрүүдэд ч мөн үүнтэй адил байсан: тэд идэж, ууж, худалдан авч, худалдаж, тарьж, барьж байгуулж байсан. Харин Лотыг Содомоос гарсан тэр өдөр тэнгэрээс гал, хүхэр бууж, тэднийг бүгдийг нь устгав. Хүний Хүү илчлэгдэх өдөр ч гэсэн ийм байх болно” (Лук 17:26-30).

“Учир нь хүний Хүү тэнгэрэлч нарынхаа хамт Эцэгийнхээ алдраар ирнэ; тэгээд Тэр хүн бүрд үйлсийнх нь дагуу хариу барина” (Матай 16:27).

“Харагтун, Би удахгүй ирнэ; хийсэн үйлдлийнх нь дагуу хүн бүрд өгөхийн тулд Миний шагнал Надад байгаа” (Илчлэл 22:12).

“Учир нь харагтун, зуух мэт шатах өдөр ирлээ; бардам бүх хүн, бас хорон мууг үйлддэг бүх хүн сүрэл шиг болно: ирж буй өдөр тэднийг шатааж, тэднээс үндэс ч, мөчир ч үлдэхгүй. … Та нар хорон муу хүмүүсийг гишгэлнэ; учир нь Миний товлосон өдөр тэд та нарын хөлийн улан дор үнс нурам болно хэмээн түмэн цэргийн Ехова айлдлаа” (Малахи 4:1-3).

Холбогдолтой Бурханы үг:

“Бурханы эрх мэдлийг мэдэх зам” Христийн сүмийн шинэ дуу

“Бурханы эрх мэдлийг мэдэх зам” Христийн сүмийн шинэ дуу (lyrics)

I

Бурханы эрх мэдэл, хүч чадал,

Түүний ялгамж чанар, мөн чанарын тухай мэдлэгийг

чи төсөөллөөсөө олж авч чадахгүй.

төсөөлөхгүй байх гэдэг нь юу ч хийхгүй,

зүгээр суугаад сүйрлээ хүлээхийг хэлэхгүй.

Харин логик ашиглан бодож дүгнэхгүй,

мэдлэг, шинжлэх ухаанаар судлахгүй байхыг хэлдэг.

Бурханы үгийг идэж уун,

Бурханы үг, нөхөрлөлийг мэдэрснээр чи

Бурханы эрх мэдлийг мэдэрч, баталгаажуулан,

шат дараатай ойлголт, мэдлэгтэй болно.

Энэ бол цор ганц зам, ямар ч дөт зам үгүй.

II

Түүний үгээр, үнэнээр,

амьдралд тулгарч байгаа бүхнээр дамжуулан

чиний итгэдэг Бурхан хувь заяаг чинь захирах

дээд эрх мэдэлтэй гэдгийг

ойлгон бататгаж, баталгаажуулан,

Түүний хүч чадал үргэлжид

жинхэнэ Бурхан Өөрөө гэдгийг нь баталдаг гэдгийг мэд.

Энэ нь Бурханыг мэдэх цор ганц зам,

Бурханыг мэдэх цор ганц зам билээ.

Бурханы үгийг идэж уун,

Бурханы үг, нөхөрлөлийг мэдэрснээр чи

Бурханы эрх мэдлийг мэдэрч, баталгаажуулан,

шат дараатай ойлголт, мэдлэгтэй болно.

Энэ бол цор ганц зам, ямар ч дөт зам үгүй.

Энэ бол цор ганц зам, ямар ч дөт зам үгүй.

Энэ бол цор ганц зам, ямар ч дөт зам үгүй.

“Хургыг дагаж шинэ дуу дуулъя” номоос

Ѳдѳр тутмын Бурханы үг “Бурханыг мэдэх нь Бурханаас эмээж, муугаас зайлах зам юм”

Ѳдѳр тутмын Бурханы үг “Бурханыг мэдэх нь Бурханаас эмээж, муугаас зайлах зам юм”

　　Зүүний Аянга, Төгс Хүчит Бурханы Чуулган нь эцсийн өдрүүдийн Христ болох Эзэн Есүсийн хоёр дахь ирэлт, Төгс Хүчит Бурханы илрэлт ба ажлаар үүсгэн байгуулагдсан. Уг чуулган нь Төгс Хүчит Бурханы эцсийн өдрүүдийн ажлыг хүлээн зөвшөөрөгсөд буюу Түүний үгсээр байлдан дагуулагдаж аврагдсан хүмүүсээс бүрдэнэ. Уг чуулганыг бүхэлд нь Төгс Хүчит Бурхан биечлэн байгуулж, Хоньчны ёсоор удирдан дагуулдаг. Уг чуулганыг хүн ерөөс байгуулаагүй юм. Христ бол үнэн, зам, амь мөн. Бурханы хонин сүрэг Бурханы дуу хоолойг сонсдог. Төгс Хүчит Бурханы үгсийг уншмагцаа та Бурхан илэрсэн болохыг харах болно.

Хил хязгаар нь хүн төрөлхтний амьдралын өөр өөр хэв маягаас улбаалан бий болсон

　　Бурхан бүх зүйлийг бүтээж, тэдэнд хил хязгаарыг тогтоосон бөгөөд тэдний дунд орших бүх төрлийн амьтай зүйлсийг тэжээдэг. Бүх зүйл бүх төрлийн амьтай зүйлсийг тэжээж байгаа учраас Тэр мөн хүмүүст зориулан амьд орших өөр өөр аргуудыг бэлдсэн. Тиймээс л чи хүмүүст амьд орших цор ганц арга байдаггүй гэдгийг харж байгаа. Тэд мөн амьд орших цор ганц төрлийн орчинтой байдаггүй. Бид өмнө нь Бурхан хүмүүст зориулан өөр өөр төрлийн хоол хүнсний болон усны эх үүсвэр бэлддэг тухай ярьсан. Энэ бол хүн төрөлхтний махан бие дэх амьдралд үргэлжлэн орших боломжийг олгож байгаа шийдвэрлэх чухал зүйл юм. Хүн төрөлхтний дотор орших бүх хүмүүс үр тариагаар амь зуудаггүй. Хүмүүс газарзүйн орчин болон газрын тогтоцын ялгаанаасаа хамааран өөр өөр амьд орших арга барилтай. Бурхан энэ бүх амьд орших аргыг бэлтгэсэн. Тиймээс үндсэндээ газар тариаланд бүх хүн оролцоод байдаггүй. Өөрөөр хэлбэл хүн бүр тариа будаа ургуулснаар хоол хүнсээ авдаггүй. Энэ бол бидний ярих гурав дахь зүйл: Хил хязгаар нь хүн төрөлхтний амьдралын өөр өөр хэв маягаас улбаалан бий болсон. Тэгвэл хүмүүст өөр ямар төрлийн амьдралын хэв маягууд байдаг вэ? Өөр ямар төрлийн хоол хүнсний эх үүсвэр хүмүүст байгаа вэ? Хэд хэдэн үндсэн төрөл бий:

　　Эхнийх нь ан хийх амьдралын хэв маяг байна. Хүн бүр үүнийг мэддэг. Та нарын дундаас амь зуулгынхаа төлөө ан хийдэг хүн байна уу? Та нар бүгд орчин цагийн хүмүүс. Та нар яаж ан хийх, яаж буугаа үүрэхийг мэдэхгүй. Та нарын хоол хүнсний эх үүсвэр газар дэлхийгээс бүтээгддэг. Ан хийж амьдардаг хүмүүс юу иддэг вэ? (Ангийн мах.) Тэд ой шугуйн шувууд, зэрлэг амьтдыг иддэг. Ангийн мах гэдэг бол орчин цагийн үг. Анчид үүнийг ангийн мах гэж боддоггүй. Тэд үүнийг хоол хүнс, өдөр тутмын амин зуулгаа гэж боддог. Жишээ нь, тэд буга авлавал баяр хөөртэй байх болно. “Гайхалтай, энэ буга манай гэр бүлийн хэдэн өдрийн хоол хүнсэнд хангалттай.” Тэд тухайн бугыг авлаж байгаа нь яг л тариачин хөрс шорооноос тариа будаагаа авч байгаатай адил байдаг. Тариачин тариа будаагаа хөрснөөс авдаг. Тэр тариа будаагаа хараад баяр хөөртэй болж, санаа нь амардаг. “Одоо ямартай ч идэх зүйлтэй боллоо. Бид өлсөнө гэж айлтгүй боллоо.” Гэр бүл нь идэх тариа будаатай болсон тул өлсөхгүй. Түүний сэтгэл санаа амарч, тэр сэтгэл хангалуун болдог. Тэгэхээр анчин мөн санаа амарч, дахин хоолны талаар санаа зовох шаардлагагүй болж байгаа тул ангаа харахдаа сэтгэл хангалуун болдог. Дараагийн хоолонд идэх зүйлтэй болж, өлсөх шаардлагагүй болно. Энэ бол амин зуулгынхаа төлөө ан хийдэг хүн юм. Ангаар амин зуулгаа залгуулдаг хүмүүсийн хувьд ямар төрлийн орчинд амьдардаг вэ? Тэд уулын ой модонд амьдардаг. Тэдний дийлэнх нь тариа будаа ургуулж, газар тариалан эрхэлдэггүй; харин тэд уулын ой модонд амьдардаг. Уулын ой модон дунд тариалангийн газар байдаг уу? Тариалангийн газар олоход хялбар биш, тиймээс тэд олон төрлийн амьтай зүйл, янз бүрийн ангийн олзоор амьдардаг. Энэ бол эхний хэв маяг бөгөөд ердийн хүмүүсээс өөр юм.

“Сүм дэх антихрист” Тэнгэрийн хаанчлалд ороход нь хэн итгэгчидэд саад болж байх вэ

“Сүм дэх антихрист” Тэнгэрийн хаанчлалд ороход нь хэн итгэгчидэд саад болж байх вэ

　　Ли ах бол гэр чуулганд явдаг итгэгч юм. Түүнийг ах эгч нарынхаа хамт үнэн замыг судалж байхад нь тэдний пастор үнэн замыг эрж хайх, судлахад нь итгэгчдэд саад хийж, тээр болохын тулд, “Бурханы үг, ажил бүгд Библид байдаг, Библиэс гаднах юм бүхэн тэрс үзэл”, мөн “Эзэнийг бие махбод болж эргэн ирсэн тухай номлодог хүн бүхэн хуурамч байдаг” гэж хэлжээ. “Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана” (Иохан 16: 12-13) хэмээн Эзэн Есүс тодорхой хэлсэн байдаг. Түүнчлэн Илчлэлийн номд, “Чуулгануудад Сүнс юу айлдаж буйг чихтэй бүхэн сонсогтун” (Илчлэл 2: 7) хэмээн зөгнөсөн нь бий. Эзэн эцсийн өдрүүдэд эргэн ирэх бөгөөд хүмүүс Эзэнтэй хөл нийлүүлэн алхахын тулд Эзэний дуу хоолойг чих тавин чагнах ёстой. Тэгвэл тэдний пастор юунд Эзэний үгийг ил тод үгүйсгэн, Эзэнийг хүлээн авахад нь итгэгчдэд саад хийхээр зүтгэж байна вэ? Хариултыг нь олж мэдье гэвэл “Сүм дэх антихрист” хэмээх хошин яриаг үзээрэй.

Бурханы үгийн магтан дуу “Үгийн ажлаар дамжуулан хүмүүс Бурханыг илүү их мэддэг”

Бурханы үгийн магтан дуу “Үгийн ажлаар дамжуулан хүмүүс Бурханыг илүү их мэддэг”

Ⅰ

Эцсийн өдрүүдэд Бурхан хүнийг төгс болгохдоо

голчлон үг ашигладаг,

хүнийг дарангуйлж, итгүүлэхээр

тэмдэг, гайхамшиг ашигладаггүй.

Эдгээр нь Бурханы хүч чадлыг тайлбарлаж чадахгүй.

Хэрэв Бурхан тэмдэг, гайхамшиг л үзүүлсэн бол,

Бурханы бодит байдлыг ил болгож,

хүнийг төгс болгох боломжгүй байх байлаа.

Бурхан тэмдэг, гайхамшгаар хүнийг төгс болгодоггүй,

харин үг ашиглан хүнийг усалж, хариулж,

хүнийг дуулгавартай, Бурханы тухай мэдлэгтэй болгодог.

Энэ бол Түүний ажил ба үгийн зорилго.

Бурхан хүнийг төгс болгохдоо

тэмдэг, гайхамшиг ашигладаггүй.

Цэвэршүүлэлт, харьцалт, засалт, үгийн хангалт гэх мэт

олон янзын ажил болон үг ашигладаг.

Хүнийг төгс болгож, Бурханы ажил, мэргэн ухаан,

гайхалтай байдлын талаар илүү их мэдлэг өгөхийн тулд

өөр өөр өнцгөөс Бурхан ярьдаг.

Бурханы үгийн магтан дуу “Бие махбодтой болсон Бурхан дээд зэргийн ач холбогдолтой” (lyrics)

Бурханы үгийн магтан дуу “Бие махбодтой болсон Бурхан дээд зэргийн ач холбогдолтой” (lyrics)

I

Эцсийн өдрүүдэд Бурханы ажил

Энэ энгийн нэгнээр хийгддэг

Тэр чамд бүх зүйлийг өгнө

Чиний бүх зүйл Түүний гарт бий.

Тийм хүн чиний итгэдэг шиг

Дурдахад хэтэрхий энгийн байж чадах уу?

Түүний үнэн чамайг итгүүлэхэд хангалттай биш үү?

Эцсийн өдрүүдэд Бурханы ажил

Энэ энгийн нэгнээр хийгддэг.

Эцсийн өдрүүдэд Бурханы ажил

Энэ энгийн нэгнээр хийгддэг.

II

Түүний үйл хэрэг нүдийг чинь баясгаж чадахгүй гэж үү?

Түүний замаар алхах чамд үнэ цэнэтэй биш үү?

Яагаад Түүнийг үл тоомсорлож, нүүр буруулна вэ?

Тэр үнэнийг илчилж, үнэнээр хангадаг

Чиний дагах зам бүр

Энэ хүнээс болсон билээ

Яагаад та нар Бурханы ажлын ул мөрийг

Түүний илчилдэг үнэн дундаас олж чадахгүй байна вэ?

III

Эцсийн өдрүүдэд Бурханы ажил

Энэ энгийн нэгнээр хийгддэг.

Эцсийн өдрүүдэд Бурханы ажил

Энэ энгийн нэгнээр хийгддэг

Тэр чамд бүх зүйлийг өгнө

Чиний бүх зүйл Түүний гарт бий

Тэр үнэнийг илчилж, үнэнээр хангадаг

Чиний дагах зам бүр

Энэ хүнээс болсон билээ

Бие махбодтой болсон Бурхан жирийн нэг хүн биш

Үгүй! Үгүй! Тэр жирийн нэг хүн биш

Үгүй! Үгүй! Тэр жирийн нэг хүн биш

Бурхан жирийн нэг хүн биш

Бурхан жирийн нэг хүн биш.

“Хургыг дагаж шинэ дуу дуулъя” номоос 

Анхны видео линк:

Бурханы үгийн магтан дуу “Бие махбодтой болсон Бурхан дээд зэргийн ач холбогдолтой”

Сатаны хүлээснээс салснаар эрх чөлөөтэй болно

　　Би Бурханд итгэхээсээ өмнө ямар ч зүйл хийж байсан бусдын дор орохыг хүсдэггүй байсан. Бүгдийн дээр л гарч байвал ямар ч зовлон бэрхшээлийг хүлээн авахад бэлэн байв. Би Бурханыг дагасны дараа ч, миний хандлага хэвээрээ үлдсэн юм. Учир нь би “Зовохгүй бол юу ч олохгүй” гэсэн үгсэд бат итгэж байсан бөгөөд миний хандлагаас санаа сэдлийн минь нотолгоо харагдаж байв. Үнэнийг Бурхан надад илчлэх үед л би Сатаны хүлээсэн дор амьдарсаар байгаагаа эцсийн эцэст ойлгож ухаарсан юм.

　　Нэг их биш ч дээхэн үед, чуулган миний хамтрагчийг тэргүүлэх албан тушаалд ажиллуулах төлөвлөгөө танилцуулав. Мэдээг сонсоод л би сэтгэлээр маш их унасан. Бид хоёулаа редактороор томилогдох хүртэл тэргүүлэх албан тушаалд ажилладаг байсан. Одоо хамтрагч маань тэргүүлэх албан тушаалдаа эргэн ирж, хязгааргүй өсөж дэвжих боломжтойгоор Бурханд үйлчилж байхад, би ширээн дээрээ суусаар ямар ч нэр хүндгүйгээр ажлаа хийсээр байна. Тэнд ямар ирээдүй байгаа юм бэ? Хоёр дахь бодол дээрээ би “Амжилтанд хүрэх сая сая өөр арга зам бий” гэсэн хуучны үг санаанд оров. Би үүргээ зөв биелүүлж байгаа цагт би ч гэсэн амжилтанд хүрч чадна. Үнэнийг дагахын тулд хүчин чармайлтаа нэмэгдүүлэх хэрэгтэй байсан юм. Би номлолыг засахад анхаарлаа төвлөрүүлээд тэдгээр нь үнэнийг сайн дамжуулж байвал магадгүй нэг өдөр удирдагчид намайг үнэнийг ойлгожээ гэж үнэлэх болно.

Христэд итгэгчид яагаад өвддөг вэ? Бид өвчнийг хэрхэн туулах ёстой вэ?

–гарчиг
1. Өвчний гарал үүслийг ойлго, Бурханд бүү гомдолло
2. Бурханы тогтоосон амьдралын хуулийг дагаснаар өвчний тохиолдлыг бууруулж болно
3. Бурханы өмнө тайван байж, өөртөө дүн шинжилгээ хийн, Бурханд нүглээ улайж, гэмш
4. Өвчний цэвэршүүлэлтийн үеэр Бурханд итгэж, Түүний төлөө гэрчлэлд зогс
　　“Өвчин тусахаараа эмч олох гэж сандарна” гэх хэлц нь өвчин тусах үедээ хүмүүсийн мэдэрдэг түгшүүр, арга мөхөс байдал, сандралыг шууд тусгадаг. Бурхан бүх зүйлийг бүтээж, бидэнд амьсгалыг маань хайрласан бөгөөд хүний амьдрал, үхлийг Бурхан захирч, зохицуулдаг гэдгийг Христэд итгэгчид болохынхоо хувьд бид мэддэг боловч өвчин тусах үедээ мөн л яах ёстойгоо мэдэхгүй болдог. Иймээс би энэ асуудлын тухайд будилж явсан билээ: Бид өвчин тусах үедээ үүнтэй тайвнаар нүүр тулж, Бурханд жинхэнэ итгэлтэй байхын тулд өвчнөө хэрхэн туулах ёстой вэ? Би байнга залбирч, Бурханаас энэ тухай эрж хайсан бөгөөд ах эгч нартайгаа хамт эрж хайж, нөхөрлөөд хэсэг хугацааны дараа үүнийг ойлгож авсан юм: Бид өвчин тусах үедээ өвчин туссаны маань ар дахь Бурханы санаа зорилго юу болохыг ойлгон, хэрэгжүүлэлтийн дөрвөн зарчмыг эзэмших замаар л тайван бус байдал, сандрал, арга мөхөс байдлын мэдрэмжээ шийдвэрлэж, Бурханд итгэх жинхэнэ итгэлийг бий болгож чадна. Та бүхэнд жаахан тус болог хэмээн найдаад би өөрийн багахан, энгийн ойлголтыг ах эгч нартайгаа энд хуваалцъя.

Өвчний гарал үүслийг ойлго, Бурханд бүү гомдолло

Бурхан Өөрийн төгс хүч болоод мрргэн ухааныг ашиглан бүх зүйлсийг хангаж, хүн төрөлхтөний оршин тогтнолыг хадгалдаг

　　Эхэндээ бид хүн төрөлхтний амьдрах орчин болон Бурханы энэ орчны төлөө хийж, бэлдэж, хариуцсан зүйлийн талаар ярилцсан бөгөөд мөн Бурханы хүн төрөлхтөнд зориулж бэлдсэн бүх зүйлийн хоорондох харилцаа хийгээд Бурхан эдгээр зүйл хүнд хор хөнөөл учруулахаас сэргийлэн хэрхэн энэ харилцаанд хандаж ирсэн талаар ярилцсан. Бурхан мөн бүх зүйлээс үүдэлтэй янз бүрийн элементүүд хийгээд хүн төрөлхтний хүрээлэн буй орчинд сөргөөр нөлөөлөх зүйлсийг шийдвэрлэж, бүх зүйл бүрэн хүчин чадлаараа ажиллах боломжийг олгохын сацуу, хүн төрөлхтөнд таатай орчинг бүрдүүлж, бүх элементийг ашигтай болгон, хүн төрөлхтнийг ийм орчинд дасан зохицож, нөхөн үржиж, амьдралын мөчлөгийг хэвийн үргэлжлүүлэх боломжтой болгосон. Дараагийн зүйл бол хүний биед хэрэгтэй хоол хүнс—өдөр тутмын хоол хүнс ундаа юм. Энэ нь мөн хүн төрөлхтөн амьд оршиход зайлшгүй чухал нөхцөл билээ. Өөрөөр хэлбэл, хүний бие ердөө л амьсгалснаар, эсвэл ердөө л нарны гэрэл салхины тусламжтайгаар эсвэл тохирсон температурт байснаар амьдарч чадахгүй. Тэд мөн өөрсдийн гэдсийг дүүргэх хэрэгтэй. Тэдний гэдсийг дүүргэх эдгээр зүйлийг ч бас Бурхан хүн төрөлхтөнд зориулан бэлдсэн байдаг—энэ бол хүн төрөлхтний хүнсний эх сурвалж юм. Хүн төрөлхтний хоол хүнс унд болох эдгээр баялаг, элбэг дэлбэг бүтээгдэхүүнийг харсаны дараа чи Бурхан бол хүн төрөлхтөн болоод бүх зүйлийг тэтгэх эх сурвалж хэмээн хэлж чадах уу? Чи үнэхээр тэгж хэлж болно. Хэрвээ Бурхан бүх зүйлийг бүтээхдээ зөвхөн мод, өвс буюу бусад амьд зүйлийг бүтээж, хүн төрөлхтөн тэдгээрийн алийг нь ч идэж чадахгүй байсан бол хүн төрөлхтөн өдийг хүртэл оршин тогтнож чадах байсан уу? Хэрвээ Бурханы бүтээсэн бүх зүйлийн дундах янз бүрийн амьд зүйл болон ургамал нь бүгд зөвхөн үхэр, хонь, тахь буга зэрэг янз бүрийн амьтдын төлөө байсан бол—жишээлбэл арслан, тахь ба бугаар, бар хурга болон гахайгаар хооллодог хэрнээ—хүн идэхэд тохирох нэг ч зүйл байхгуй байсан бол яах вэ? Ийм байвал болох уу? Энэ нь болохгүй. Хэрвээ тийм байсан бол хүн төрөлхтөн амьд үлдэж чадахгүй байх байсан юм. Хэрвээ хүн зөвхөн модны навчаар хооллодог байсан бол яах вэ? Ийм байж болох уу? Хүний ходоод хүлээж авч чадахгүй байх байсан. Хэрэв чи оролдож үзэхгүй бол үүнийг мэдэхгүй, харин ганц удаа ч болов оролдвол маш сайн мэдэх болно. Тэгвэл чи үхэр болон хонинд бэлтгэсэн өвс ногоог идэж чадах уу? Хэрэв чи бага зэргийг идэж үзвэл зүгээр байж болох ч удаан хугацаагаар идвэл удаан тэсэж чадахгүй. Зарим зүйлсийг амьтад идэж болох ч, хүн идвэл хордох болно. Өөрсдөд нь нөлөөлөхгүй зарим хортой зүйлсийг амьтад иддэг ч хүн бол тэгж чадахгүй. Бурхан хүнийг бүтээсэн болохоор Бурхан л хүний биеийн бүтэц, зарчим болон хүнд яг юу хэрэгтэйг хамгийн сайн мэднэ. Бурхан биеийн бүрэлдэхүүн хэсэг, агуулга болоод үүнд юу хэрэгтэйг мөн түүнчлэн хүний биеийн дотоод эрхтэн хэрхэн ажиллаж, шингээж, задалж, бодисын солилцоо явагддагийг сайн мэддэг. Хүмүүс энэ талаар тодорхой мэддэггүй бөгөөд заримдаа сохроор хоол хүнс, нэмэлт тэжээл хэрэглэдэг. Тэд нэмэлт бодис ихээр хэрэглэж, эцэст нь биед тэнцвэргүй байдал үүсгэдэг. Хэрэв чи Бурханы чамд бэлдсэн эдгээр зүйлийг идэж, тэдгээрийг энгийнээр хүртэж таашаах аваас чамд ямар ч муу зүйл болохгүй. Заримдаа чиний сэтгэл санаа тавгүй, мөн чи цусны зогсонгишилтой байсан ч хамаагүй. Чи зөвхөн өөрт тохирох ногоо идвэл цусны зогсонгишил алга болно. Бурхан энэ бүх зүйлийг бэлдсэн байгаа. Бурханы нүдээр хүн төрөлхтөн нь ямар ч амьд амьтнаас хамаагүй дээгүүрт байдаг. Бурхан бүх төрлийн ургамал болон ан амьтны хоол хүнс, амьдрах орчинг бүрдүүлж өгсөн, гэхдээ зөвхөн хүн төрөлхтний амьдрах орчинд тавигдах шаардлага хамгийн хатуу бөгөөд үл тоомсорлосон байдлыг хамгийн ихээр үл хүлцэнэ. Эс бөгөөс, хүн төрөлхтөн үргэлжлүүлэн хөгжиж, нөхөн үржиж, хэвийн амьдарч чадахгүй байх байсан. Бурхан үүнийг зүрх сэтгэлдээ маш сайн мэднэ. Бурхан энэ зүйлийг хийхдээ юу юунаас илүүтэй их ач холбогдол өгсөн. Магадгүй чи өөрийн харж буй өчүүхэн зүйлсийн чухлын ач холбогдлыг олж харж, таашааж чадахгүй, эсвэл танд төрөлхөөс заяагдсан зүйл байгаад түүнийгээ таашааж чаддаг байлаа ч Бурхан үүнийг чиний төлөө аль хэдийн эртнээс бэлдсэн байдаг. Бурхан хүн төрөлхтөнд болон хүний бие махбодод учирч болох тааламжгүй бүхий л сөрөг нөлөөг хамгийн боломжит хэмжээгээр арилгаж шийдвэрлэж өгсөн байдаг. Энэ нь юуг тодорхой болгож байна вэ? Энэ нь, хүн төрөлхтнийг анх бүтээх үеийн тэдэнд хандах Бурханы хандлагыг тодорхой болгож байна уу? Тэр хандлага яг юу байсан бэ? Бурханы хандлага бол маш нарийн, нухацтай бөгөөд Бурханаас өөр хүн төрөлхтөнд учирч болох хөндлөнгийн ямарваа нэгэн хүчин зүйл, нөхцөл байдал болон дайсны хүчийг Тэр тэвчихгүй байсан. Үүнээс чи, хүн төрөлхтнийг бий болгож, энэ удаа хүн төрөлхтнийг удирдаж байх үеийн Бурханы хандлагыг харж болох юм. Бурханы хандлага юу вэ? Амьдрах орчин ба амьдрах чадвараар хүн төрөлхтөн өдөр тутмын хоол хүнс, хэрэгцээгээ хангаж байгаагаар дамжуулан бид, хүн төрөлхтний нөхөн үржихүй ба амьдралыг хэвээр хадгалах Бурханы хандлага болон тэдэнд хандах Түүний хариуцлага, түүнчлэн энэ удаа хүн төрөлхтнийг аврах Бурханы шийдэмгий байдлыг харж чадна. Энэ бүгдээс бид Бурханы үнэн байдлыг олж харж чадах уу? Бид Бурханы гайхалтай байдлыг харж чадах уу? Бид Бурханы хэмжээлшгүй байдлыг олж харж чадах уу? Бурханы бүхнийг чадагч байдлыг бид олж харж чадах уу? Бурхан зүгээр л Өөрийн төгс хүчит байдал болоод мэргэн аргыг ашиглан хүн төрөлхтнийг болон бүх зүйлийг тэжээж тэтгэж байдаг.

Хүн төрөлхтөнд зориулан Бурханы бүтээсэн амьдрах үндсэн орчин——Дуу чимээ

　　Гурав дахь зүйл нь дуу чимээ. Энэ нь мөн хүний хэвийн амьдрах орчинд байх ёстой зүйл юм. Бурхан бүх зүйлийг бүтээх үед дуу чимээ үүссэн. Бурхан үүнтэй тухайн үедээ маш сайн харьцсан. Энэ нь Бурханы хувьд ч, мөн хүн төрөлхтний оршин тогтнолд ч нэн чухал зүйл юм. Хэрэв Бурхан дуу чимээний асуудлыг сайтар зохицуулаагүй байсан бол энэ нь хүн төрөлхтний оршин тогтнолд тун ч их бэрхшээл болох байсан. Өөрөөр хэлбэл энэ хүний бие болон амьдралд маш их нөлөөлөх байсан ба ийм орчинд хүн төрөлхтөн оршин тогтнож чадахгүйд хүрэх байсан юм. Ийм орчинд бүх амьд зүйлс оршин тогтнож чадахгүй гэж хэлж бас болно. Тэгэхээр энэ зүйл юу вэ? Энэ бол дуу чимээ. Бурхан бүх зүйлийг бүтээсэн ба Бурханы гарт бүх зүйл амьдардаг. Бурханы нүдэнд бүх зүйл амьдарч, хөдөлж байдаг. Бурхан бүх зүйлийг бүтээсэн ба тэдний нэг бүрийн оршин тогтнолд үнэ цэнэ, утга учир байдаг. Өөрөөр хэлбэл, тэдний оршин тогтнолын ард зайлшгүй шаардлага бий. Гэсэн хэдий ч Бурханы бүтээсэн бүх зүйлийн дундаас зүйл нэг бүр амьтай; нэгэнт тэд амьтай агаад хөдөлж байгаа болохоор аяндаа дуу чимээ гаргадаг. Тухайлбал дэлхий байнга эргэж байдаг, нар байнга эргэж байдаг ба сар ч бас байнга эргэж байдаг билээ. Бүх зүйлийн амьдрал болон хөдөлгөөнөөс дуу чимээ үргэлж гарч байдаг. Газар дэлхий дээрх зүйлс мөн л байнга өсөн үржиж, хөгжиж, шилжин хөдөлж байдаг. Жишээлбэл, далай тэнгисийн гүнд орших амьд зүйлс цөм нүүн шилжиж, сэлж байхад уулсын суурь хөдөлж, нүүсээр байдаг. Эдгээр амьд зүйл, бүх зүйл Бурханы нүдэнд бүгд тасралтгүй, хэвийн, байнгын хөдөлж байдаг. Тэгвэл эдгээр зүйлийн нууцхан үржилт болон хөгжил, хөдөлгөөн ямар зүйлийг авчирч болох вэ? Хүчирхэг дуу чимээг. Дэлхийгээс гадна бүх төрлийн гариг ертөнцүүд мөн байнга хөдөлж байдаг ба эдгээр гариг дээрх амьд зүйлс болон организмууд мөн байнга өсөн үржиж, хөгжиж, хөдөлж байдаг. Өөрөөр хэлбэл амьтай, амьгүй бүх зүйл Бурханы нүдэнд байнга урагшлан хөдөлж байдаг ба эдгээр бүх төрлийн амьд зүйлс хөдөлж байхдаа дуу чимээг мөн гаргаж байдаг юм. Бурхан мөн эдгээр дуу чимээтэй харьцсан. Яагаад? Та нар үүнийг мэддэг байх ёстой, тийм үү? Чамайг нисэх онгоцонд ойртох үед онгоцны нүргээнтэй дуу чимээ чамд юу хийх вэ? (Чих дүлийрнэ.) Энэ нь хүмүүсийг сонсголыг гэмтээх үү? Тэдний зүрх үүнийг тэсэж чадах бол уу? (Үгүй.) Зүрх султай зарим нь үүнийг тэсэж чадахгүй. Мэдээж, хэрвээ энэ нь хэт удаан үргэлжилбэл зүрх сайтай хүмүүс ч үүнийг тэсэж чадахгүй. Өөрөөр хэлбэл, чих эсвэл зүрх аль нь ч бай хүний биед үзүүлэх дуу чимээний нөлөөлөл нь хүн бүрийн хувьд туйлын ач холбогдолтой ба эдгээр дуу чимээ хэт чанга бол хүмүүст хор хөнөөл учруулах болно. Тийм учраас, Бурхан бүх зүйлийг бүтээх үедээ болон тэдгээр нь хэвийн ажиллаж эхэлсэний дараа Бурхан зохих харьцаагаар дамжуулан эдгээр дуу чимээг—хөдөлгөөнд орших бүх зүйлийн дуу чимээг хийсэн. Энэ нь мөн хүн төрөлхтөнд зориулсан орчныг бүтээх үедээ Бурханы заавал анхаарах зүйлсийн нэг байсан юм.

　　Юуны түрүүнд, дэлхийн гадаргуугаас агаар мандал хүртэлх өндөр нь дуу чимээг задалж, хязгаарлана. Түүнчлэн, газрын хоорондох орон зайн хэмжээ, өөрөөр хэлбэл хөрсөн дэх хоосон орон зайн хэмжээ нь мөн дуу авиаг удирдаж, нөлөөлөх болно. Тэгээд ч дуу чимээнд нөлөөлөх янз бүрийн газарзүйн орчны холбоо бас бий. Өөрөөр хэлбэл Бурхан зарим дуу чимээнээс салах тодорхой аргуудыг ашигладаг ба ингэснээр хүмүүсийн чих болон зүрх тэсвэрлэж чадах орчинд хүмүүс амьд үлдэж чадах юм. Эс бөгөөс дуу чимээ асар их саад бэрхшээлийг хүн төрөлхтний оршин тогтнолд учруулж, тэдний амьдралд томоохон асуудлыг авчрах болно. Энэ бол том асуудал. Өөрөөр хэлбэл Бурхан Өөрийн бүтээсэн газар дэлхий, агаар мандал, янз бүрийн төрлийн газарзүйн орчинд маш нарийн хандсан. Энэ бүхэнд Бурханы мэргэн ухаан агуулагддаг. Хүн төрөлхтөн үүнийг нарийн ойлгох шаардлагагүй. Тэд Бурханы үйл хэрэг үүнд багтсан гэдгийг л мэдэх ёстой. Бурхан бүх зүйлийг бүтээх болсон нь үнэндээ хүн төрөлхтний оршин тогтнолын төлөө байсан. Одоо тэгэхээр та нар Надад хэлнэ үү, дуу чимээг чадварлаг удирдах Бурханы ажил чухал байсан уу? Бурхан үүнийг хийх шаардлагатай байсныг та нар мэдрэхгүй байна уу? Бурханы хийсэн ажил нь дуу чимээг маш нарийн удирдан захирах байсан. Тэр, хүн төрөлхтний амьдрах орчин болон тэдний хэвийн амьдралыг хадгалахын тулд энэ ажлыг хийсэн. Энэ ажил чухал шаардлагатай байсан уу? (Тийм.) Хэрвээ энэхүү ажил нь чухал байсан юм бол энэ өнцгөөс, Бурхан бүх зүйлийг хангахын тулд энэ аргыг хэрэглэсэн гэж хэлж болох уу? Бурхан хүн төрөлхтнийг ийм нам гүм орчноор хангаж, түүнийг бүтээсэн, ингэснээр хүн төрөлхтний бие ийм орчинд тун хэвийнээр амьдарч, ингэснээр хүн төрөлхтөн аливаа хөндлөнгийн оролцоогүйгээр оршин байж, хэвийн амьдарч чадах юм. Энэ бол Бурханы хүн төрөлхтөнд өгсөн арга замын нэг биш гэж үү? (Тийм.) Бурханы хийсэн энэ зүйл маш чухал байсан уу? (Тийм.) Энэ маш чухал байсан. Тэгэхээр та нар үүнийг хэрхэн үнэлж байна вэ? Хэдийгээр та нар үүнийг Бурханы үйлдэл байсан гэж мэдэрч чадахгүй, Бурхан тухайн үед үүнийг хэрхэн хийснийг мэдэхгүй байгаа ч гэсэн, үүнийг Бурхан заавал хийх хэрэгтэй байсныг та нар мэдэрч байна уу? Та нар үүнд шингээсэн Бурханы мэргэн ухаан, анхаарал халамж, ухаан бодлыг мэдэрч чадаж байна уу? (Тийм.) Зүгээр л үүнийг мэдэрч чадаж байхад болно. Энэ л хангалттай. Хүмүүсийн мэдэрч чадахгүй байгаа болон харахад хэцүү олон зүйлсийг Бурхан бүх зүйлийн дунд хийсэн. Би үүнийг энд дурдаж байгаагийн зорилго нь ердөө л Бурханы үйл хэргийн тухай зарим мэдээллийг та нарт өгч, та нарыг Бурханы талаар ойлголттой болгохын тулд юм. Эдгээр учиг шалтгаан нь, Бурханы үйлдлүүдийг илүү сайн мэдэж, ойлгоход та нарт тусална.

Үг нь махбодоор илэрсэн номын үргэлжлэл “Цор ганц Бурхан Өөрөө VIII”-аас

Анхны өгүүлэл линк:

Хүн төрөлхтөнд зориулан Бурханы бүтээсэн амьдрах үндсэн орчин——Дуу чимээ

Бурханы үгийн магтан дуу “Бурхан хүнийг аврахдаа бүрэн төгс аврах болно” Бурханы жинхэнэ хайр

Бурхан хүнийг бүтээсэн тул, хүнийг удирддаг,

Тэр хүний хувь заяанд хариуцлага хүлээх ёстой,

Энэ бол Бүтээгч Эзэний хийдэг ажил билээ.

Байлдан дагуулах ажил нь

Хүнийг хэтийн ирээдүйгээс нь салгаснаар хийгддэг ч

Эцэстээ Бурханы хүнд бэлтгэсэн

зохист газар нь аваачина.

Бурхан хүний төлөө ажилладаг учир

хүн хүрэх газартай болж,

Хувь тавилан нь баталгааждаг,

хувь тавилан нь баталгааждаг.

Бурхан хүнийг бүтээсэн тул түүнийг хөтлөх болно;

Тэр хүнийг аврахдаа бүрэн төгс аварч, олж авах болно;

Тэр хүнийг хөтөлдөг тул

түүнийг хүрэх газар нь аваачна.

Тэр хүнийг аврахдаа бүрэн төгс аварч, олж авах болно.

Бурханы уур хилэн бол бүх шударга хүч болон бүх эерэг зүйлсийн хамгаалалт юм

　　Бурханы үг, бодол, үйлдлийн эдгээр жишээг ойлгосноор чи Бурханы зөвт зан чанарыг буюу халдаж болшгүй зан чанарыг ойлгож чадсан уу? Эцэстээ хүн хэр их ойлгож чадахаас үл хамааран, энэ нь Бурханы Өөрийн цорын ганц зан чанарын нэг тал юм. Бурханы доромжлолыг тэвчишгүй байдал нь Түүний онцгой мөн чанар юм; Бурханы уур хилэн бол Түүний онцгой зан чанар; Бурханы сүр жавхлан бол Түүний онцгой мөн чанар юм. Бурханы уур хилэнгийн цаад зарчим нь зөвхөн Түүний эзэмшдэг ялгамж чанар болоод байр суурийг харуулдаг. Энэ нь мөн цорын ганц Бурханы Өөрийн мөн чанарын бэлгэ тэмдэг юм гэдгийг дурдахын ч хэрэггүй. Бурханы зан чанар нь Түүний хувийн төрөлхийн мөн чанар юм. Цаг хугацаа өнгөрөхийн хэрээр энэ нь огтхон ч өөрчлөгддөггүй, мөн байршил солигдох болгонд ч энэ нь өөрчлөгддөггүй. Түүний төрөлхийн зан чанар нь Түүний дотоод мөн чанар юм. Тэр Өөрийн ажлыг хэн дээр хэрэгжүүлж байгаагаас үл хамааран, Түүний мөн чанар өөрчлөгддөггүй мөн Түүний зөвт зан чанар ч өөрчлөгддөггүй. Хүн Бурханыг уурлуулах үед Түүний илгээдэг зүйл нь Түүний төрөлхийн зан чанар юм; энэ үед Түүний уур хилэнгийн ар дахь зарчим өөрчлөгддөггүй, Түүний цорын ганц ялгамж чанар болон байр суурь ч өөрчлөгддөггүй. Түүний мөн чанарт нь өөрчлөлт гарсан учраас эсвэл Түүний зан чанар өөр элементийг бий болгосон учраас Тэр ууртай болдоггүй, харин Түүнд хандах хүний эсэргүүцэл нь Түүний зан чанарыг доромжилдог учраас уурладаг. Хүн Бурханыг аймшигтайгаар өдөөн хатгах нь Бурханы ялгамж чанар болон байр суурийг ихэд сорьдог. Бурханы үзэл бодлоор, Түүнийг сорих үедээ хүн Түүнтэй тэмцэлдэж, Түүний уур хилэнг шалгаж байдаг. Хүн Бурханыг эсэргүүцэх үед, хүн Бурхантай тэмцэлдэх үед, хүн Бурханы уур хилэнг тасралтгүй шалгах үед—өөрөөр хэлбэл мөн нүгэл өргөн тархсан байх үед—Бурханы уур хилэн аяндаа илчлэгдэж, харагдах болно. Тиймээс Бурханы уур хилэнгийн илэрхийлэл нь хорон муугийн бүх хүч оршин байхаа болих болно гэдгийг бэлгэддэг; дайсагнагч бүх хүч устгагдах болно гэдгийг энэ нь бэлгэддэг. Энэ бол Бурханы зөвт зан чанарын цорын ганц чанар бөгөөд энэ нь Бурханы уур хилэнгийн цорын ганц чанар юм. Бурханы дархан чанар болон ариун байдлыг сорих үед, шударга хүчнүүд хаагдаж, хүнд харагдахгүй байх үед Бурхан Өөрийн уур хилэнг илгээх болно. Бурханы мөн чанарын улмаас, газар дээр Бурханыг сөрж, Түүнийг эсэргүүцэж, Түүнтэй тэмцэлдэж байгаа бүх хүчнүүд нь хорон муу, ялзармал, шударга бус юм; тэдгээр нь Сатанаас гардаг ба түүнд харьяалагддаг. Бурхан шударга, гэрэл гэгээтэй, өө сэвгүй ариун учраас, Бурханы уур хилэн чөлөөлөгдөхийн хамтаар хорон муу, ялзармал, Сатанд харьяалагддаг бүх зүйл үгүй болох болно.

Содомын ялзрал: Хүмүүсийн уурыг хүргэж, Бурханыг хилэгнүүлсэн

Юун түрүүнд, “Бурхан Содомыг сүйрүүлсэн” тухай дүрсэлсэн судрын хэдэн ишлэлийг харцгаая.

　　(Эхлэл 19:1-11) Хоёр тэнгэрэлч Содомд нар жаргах цагаар ирэхэд Содомын гол хаалган дээр сууж байсан Лот тэднийг хараад угтан босож толгой гудайлган мэхийн ёслоод: “Хараач, эзэд минь, зам зууртаа зарцынхаа гэрт орж, бүхий л шөнөжингөө саатан, хөлөө угааж өглөө эрт босоод аян замдаа гарна уу гэж би залбиран гуйж байна” гэж хэлэв. Тэд, “Үгүй, бид бүхэл шөнийг гадаа өнгөрөөнө” гэв. Тэр тэднийг хүчлэн гуйсанд тэд түүн рүү эргэж гэрт нь оржээ; тэр тэднийг дайлж цайлан исгээгүй талх барьж өгснийг тэд идэв. Харин тэднийг хэвтэхээс өмнө хотын эрчүүд, Содомын эрчүүд хүртэл хөгшин залуугүй дөрвөн зүгээс ирж гэрийг нь бүслээд: Лотыг дуудаж: “Энэ шөнө танайд ирсэн эрчүүд хаана байна? Тэднийг бидэнд авчир, бид тэднийг мэдэж магадгүй” гэж хэлэв. Лот гарч ирж, хаалгаа ардаа хаагаад “Ах дүү нар минь, ийм муухай зүйл битгий хийгээч. Хараач, би эрчүүдийг үзээгүй хоёр охинтой; тэднийг та нарт авчрахыг зөвшөөрөөч, би та нараас залбиран гуйя, та нар сайн гэж үзсэн зүйлээ тэдэнтэй хий: манай гэрт ирсэн учраас эдгээр эрчүүдэд л юу ч битгий хийгээрэй” гэж хэлэв. Тэд, “Хойшоо бай. Энэ залуу түр хугацаагаар ирсэн, тэр шүүгч болох юм гэнэ: бид чамтай тэднээс муугаар хандана” гээд Лотыг хүртэл хүчээр түлхэж хаалгыг нь эвдэхээр дөхөж очлоо. Харин эрчүүд гараа сунган Лотыг гэрт татан оруулж, хаалгыг хаав. Тэгээд тэд гэрийн хаалган дээр байсан хүмүүсийг том жижиггүй юу ч харахгүй болгосонд тэд хаалга олох гэж ихэд зүдрэв.

　　(Эхлэл 19:24-25) Ехова Содом болон Гоморрад хүхэр ба галыг тэнгэрээс илгээж; хотуудыг, бүх тал хөндийг болон хотын бүх оршин суугчдыг ба газар дээрх ургамал амьтан бүгдийг сүйрүүлэв.

Бүтээгч хүн төрөлхтний төлөөх Өөрийн жинхэнэ мэдрэмжийг илэрхийлдэг

　　Ехова Бурханы болон Ионагийн хоорондох энэ яриа нь гарцаагүй хүн төрөлхтний төлөөх Бүтээгчийн жинхэнэ мэдрэмжүүдийн илэрхийлэл юм. Нэг талаар энэ нь, Түүний дээд эрхэн дор байдаг бүх бүтээлийн тухай Бүтээгчийн ойлголтыг хүмүүст мэдэгддэг; Ехова Бурханы хэлснээр, “Тэгэхэд Би, баруун, зүүн гарынхаа хоорондохыг ялгаж салгаж ойлгож чадахгүй зуун хорин мянгаас илүү хүнтэй бас олон малтай их хот Ниневег Би өрөвдөх хэрэггүй гэж үү?” Өөрөөр хэлбэл, Ниневегийн талаарх Бурханы ойлголт нь өнгөцхөн ойлголтоос хамаагүй өөр байсан. Тэр зөвхөн хотын доторх амьд зүйлсийн (хүмүүс болон амьтдыг оролцуулаад) тоог мэдээд зогсохгүй Тэр мөн хэчнээн хүн баруун, зүүн гараа ялгаж мэдэхгүй байгааг—өөрөөр хэлбэл, хэчнээн хүүхэд, залуучууд байгааг мэдэж байсан. Энэ нь хүн төрөлхтний талаарх Бурханы гайхалтай ойлголтын бодит баталгаа юм. Нөгөө талаар энэ яриа нь, хүн төрөлхтөнд хандах Бүтээгчийн хандлагын талаар, өөрөөр хэлбэл Бүтээгчийн зүрх сэтгэлд хүн төрөлхтний эзлэх жингийн талаар хүмүүст мэдэгддэг. Энэ нь Ехова Бурханы хэлсэнчлэн: “Чи өөрөө хөдөлмөрлөж, ургуулаагүй, нэг шөнийн дотор ургаад, мөхдөг ургамлын төлөө харамссан. Тэгэхэд… их хот Ниневег Би хэлтрүүлэх хэрэггүй гэж үү?” Эдгээр нь Ионаг буруушаасан Ехова Бурханы үг боловч тэдгээр нь бүгд үнэн юм.

　　Хэдийгээр Ниневегийн хүмүүст Ехова Бурханы үгийг тунхаглахыг Ионад даалгасан ч тэр Ехова Бурханы цаад санааг ойлгоогүй, мөн тэр уг хотын хүмүүсийн төлөөх Түүний санаа зовинол болон хүлээлтийг ойлгоогүй. Энэ зэмлэлээр Бурхан, хүн төрөлхтөн бол Түүний гараар бий болсон бүтээл ба Бурхан хүн нэг бүрийн төлөө уйгагүй хичээл чармайлт гаргасан гэдгийг түүнд хэлэхийг хүссэн; хүн бүхэн Бурханы итгэл найдварыг тээдэг; хүн бүхэн Бурханы амийн хангамжийг эдэлсэн; хүн бүрийн төлөө Бурхан уйгагүй төлөөс төлсөн. Энэ зэмлэл нь мөн, Иона эрэндийн бутыг хайрлан энхрийлж байсантай адилаар Өөрийн гараар хийгдсэн ажил болох хүн төрөлхтнийг Бурхан хайрлан энхрийлсэн гэдгийг Ионад хэлсэн. Бурхан ямар ч байсан, эцсийн боломжит мөчийг хүртэл тэднийг тийм ч амархан орхихгүй; цаашлаад хотын дотор маш олон хүүхдүүд, гэмгүй мал амьтад байсан. Өөрсдийн баруун, зүүн гараа ялгаж ч чадахгүй Бурханы бүтээлийн эдгээр залуу, мэдлэггүй зүйлстэй харьцахдаа Бурхан тэдний амийг тасалж, тэдний үр дүнг тийм яаруу байдлаар тодорхойлж бүр ч чадахгүй байсан юм. Бурхан тэднийг өсөж том болохыг харахыг эрмэлзсэн; Тэр тэднийг хөгшид шигээ замаар алхахгүй, Ехова Бурханы анхааруулгыг дахин сонсохгүй бөгөөд тэд Ниневегийн өнгөрсөн үеийг нүдээрээ гэрчлэх болно гэж найдсан. Үүнээс ч илүүтэйгээр Бурхан гэмшсэнийх нь дараа Ниневег харж, гэмшлийнх нь дараах Ниневегийн ирээдүйг харж, бүр илүү чухал нь Ниневе Бурханы өршөөл энэрэл дор дахин нэгэнтээ амьдрахыг харахыг хүссэн. Тиймээс Бурханы нүдээр, өөрсдийн баруун, зүүн гараа ялгаж мэдэхгүй тэдгээр бүтээгдсэн хүн нь Ниневегийн ирээдүй байв. Тэд Ехова Бурханы удирдамж дор Ниневегийн өнгөрсөн болон ирээдүйг нүдээр гэрчлэх чухал үүргийг мөрөндөө үүрэхийн адилаар Ниневегийн жигшүүрт өнгөрсөн үеийг мөрөндөө үүрэх байсан. Өөрийн жинхэнэ мэдрэмжийн энэхүү тунхаглалаар Ехова Бурхан, Бүтээгчийн өршөөл энэрлийг хүн төрөлхтөнд бүхэлд нь харуулсан. Энэ нь, “Бүтээгчийн өршөөл энэрэл” бол хоосон үг биш, мөн хуурамч амлалт биш гэдгийг хүн төрөлхтөнд харуулсан; үүнд тодорхой зарчим, арга барил, зорилго байдаг. Тэр бол жинхэнэ, бодит бөгөөд ямар ч худал хуурмаг эсвэл хуурамч төрх ашигладаггүй ба үүнтэй адил байдлаар Түүний өршөөл энэрэл нь бүх цаг хугацаа, эрин үед хүн төрөлхтөнд эцэс төгсгөлгүйгээр хайрлагддаг. Гэсэн хэдий ч энэ өдрийг хүртэл Бүтээгчийн Ионатай ярилцсан зүйл нь, Тэр яагаад хүн төрөлхтөнд өршөөл энэрэл үзүүлдэг, Тэр хэрхэн хүн төрөлхтөнд өршөөл энэрэл үзүүлдэг, Тэр хүн төрөлхтөнд хэр хүлээцтэй байдаг болон хүн төрөлхтний төлөөх Түүний жинхэнэ мэдрэмжийн талаарх цорын ганц, онцгойлон хэлсэн зүйл юм. Ехова Бурханы товч яриа нь, хүн төрөлхтний төлөөх Түүний бодлыг бүрэн илэрхийлдэг; энэ нь хүн төрөлхтөнд хандах Түүний зүрх сэтгэлийн хандлагын жинхэнэ илэрхийлэл бөгөөд энэ нь мөн хүн төрөлхтөнд хайрласан Түүний элбэг дэлбэг өршөөл энэрлийн бодит баталгаа юм. Түүний өршөөл энэрэл нь зөвхөн ахмад үеийнхэнд хайрлагдаагүй; энэ нь мөн үргэлж үеэс үед ийм байсан шигээ, залуу үеийнхэнд ч мөн өгөгдсөн юм. Хэдийгээр Бурханы уур хилэн хүн төрөлхтний тодорхой эрин үед, тодорхой өнцөг буланд дандаа бууж ирдэг боловч Бурханы өршөөл энэрэл хэзээ ч зогсоогүй. Өөрийн өршөөл энэрлийн хамтаар Тэр Өөрийн бүтээлийн нэг үеэс нөгөө үеийг удирдан, хөтөлж, нэг үеэс нөгөө үеийг тэжээн тэтгэдэг, учир нь хүн төрөлхтөнд хандах Түүний жинхэнэ мэдрэмж нь хэзээ ч өөрчлөгдөхгүй билээ. Ехова Бурханы хэлсэнчлэн: “Тэгвэл Би… Ниневег өрөвдөх хэрэггүй гэж үү?” Тэр үргэлж Өөрийн бүтээлийг энхрийлэн хайрласаар ирсэн. Энэ бол Бүтээгчийн зөвт зан чанарын өршөөл энэрэл бөгөөд энэ нь мөн Бүтээгчийн цэвэр ариун цорын ганц чанар юм!

“Үг нь махбодоор илэрсэн номын үргэлжлэл”-ээс