Төгс Хүчит Бурханы Үг|Бие махбодтой хэн ч уур хилэнгийн өдрөөс зугтаж чадахгүй

  Өнөөдөр Би Өөрийн ажлаа төвөггүй явуулахын тулд, та нарыг амьд үлдээхийн төлөө та нарыг зэмлэн загнаж байна, ингэснээр бүхий л ертөнц дээрх Миний ажил, бүх улс орон, үндэстний хүмүүст Миний үг, эрх мэдэл, сүр жавхлан болоод шүүлтийг илчлэн илүү зохистойгоор, төгс байдлаар явагдах болно. Та нарын дунд Миний хийж байгаа ажил бол бүхий л ертөнц дахинд хийх Миний ажлын эхлэл билээ.
Хэдийгээр одоо үе нь сүүлчийн өдрүүд ч гэсэн, “сүүлчийн өдрүүд” гэдэг нь эрин үеийн нэр юм гэдгийг мэдэх хэрэгтэй: Хуулийн Эрин Үе, Нигүүлслийн Эрин Үетэй адилаар энэ нь эрин үед хамаатай ба сүүлийн хэдхэн жил, сарыг биш харин бүхий л эрин үеийг энэ нь илтгэж байгаа. Гэсэн ч сүүлчийн өдрүүд нь Нигүүлслийн Эрин Үе болон Хуулийн Эрин Үеэс нилээд ялгаатай. Сүүлчийн өдрүүдийн ажил нь Израйльд явагдахгүй харин харь үндэстэнүүдийн дунд явагдана; энэ нь Израйлийн гадна байгаа бүх улс үндэстэн болоод хүмүүсийн Миний хаан ширээний өмнөх эрхшээх ажил юм, ингэснээр хорвоо дэлхий даяарх Миний алдар суу бүхий л сансар огторгуйг дүүргэх юм. Ингэснээр Би илүү агуу алдар сууг олж авч, ингэснээр газар дээрх бүх бүтээлүүд Миний алдар сууг бүх улс үндэстэнд, үе удамдаа үүрд мөнх дамжуулан өгөх ба тэнгэр болоод газар дахь бүх амьд зүйлс Миний газар дээр олж авсан алдар сууг харж чадах болно. Сүүлчийн өдрүүдэд хийгдэх ажил бол эрхшээх ажил юм. Энэ нь газар дээрх бүх хүмүүсийн амьдралын удирдамж заавар биш, харин хүн төрөлхтөний баршгүй, мянга мянган жилийн урт удаан зовлонт амьдралын төгсгөл юм. Үүний үр дүнд, сүүлчийн өдрүүдийн ажил нь Израйль дахь хэд хэдэн мянган жилийн ажилтай адил биш, мөн дараа нь Бурханы хоёр дахь дүрийг ирэх хүртэл хэдэн мянган жил үргэлжилсэн Иудейн арван жилийн ажилтай адил биш юм. Сүүлчийн өдрүүдийн хүмүүс бие махбодтой Аврагчийн төрхтэй нүүр тулаад зогсохгүй, тэд Бурханы үгс болон ажлыг хүлээн авдаг. Сүүлчийн өдрүүд дуусахаас өмнө хоёр мянган жил болохгүй; энэ нь Есүс Иудейд Нигүүлслийн Эрин Үеийн ажлыг биелүүлж байсан үетэй адил богинохон байх болно. Учир нь сүүлчийн өдрүүд бол бүхий л эрин үеийн эцэс төгсгөл юм. Энэ нь Бурханы зургаан мянган жилийн эзэгнэлт төлөвлөгөөний эцэс төгсгөл бөгөөд сүүлчийн өдрүүд нь хүн төрөлхтөний зовлонт амьдралын аяныг дуусгадаг. Тэд бүх хүн төрөлхтөнийг шинэ эрин үед аваачдаггүй эсвэл хүн төрөлхтөний амьдрал үргэлжлэхийг зөвшөөрдөггүй. Тэр нь Миний эзэгнэлт төлөвлөгөөнд эсвэл хүний оршин тогтнолд ямар ч ач холбогдол агуулахгүй. Хэрвээ хүн төрөлхтөн ингээд үргэлжлүүлсээр байх юм бол, эрт орой хэзээ нэгэн цагт тэд бүхэлдээ нүгэлт мууд залгиулах ба Надад хамаарах сүнснүүд эцсийн эцэст үүний гарт орох болно. Миний ажил зургаан мянган жил үргэлжилсэн ба бүх хүн төрөлхтөнийг хянах нүгэлт муугийн хяналт ч бас зургаан мянган жилээс хэтрэхгүй гэдгийг би амласан. Ингээд цаг боллоо. Би үргэлжлүүлэхгүй мөн цаашид дахин хойшлуулахгүй: Сүүлчийн өдрүүдэд Би Сатаныг ялах болно, Би Өөрийн бүх алдар суугаа эргүүлэн авч, газар дээр Надад хамаарагдах бүх сүнсийг буцаан авах болно, ингэснээр эдгээр зовлонд нэрвэгдсэн сүнснүүд зовлонгийн далайгаас зугтах ба энэ нь газар дээрх Миний бүх ажлыг дуусгавар болгох юм. Энэ өдрөөс эхлээд, Би дахин хэзээ ч газар дээрх бие махбодтой болохгүй ба дахин хэзээ ч Миний бүхнийг хянагч Сүнс газар дээр ажиллахгүй. Гэхдээ Би газар дээр нэг л зүйлийг хийх болно: Би ариун хүн төрөлхтөнийг дахин бүтээх болно, энэ нь газар дээрх Миний итгэлтэй хот болох юм. Гэхдээ Би бүхий л дэлхийг устгахгүй, мөн бүхий л хүн төрөлхтөнийг устгахгүй гэдгийг мэдэгтүн. Би үлдсэн гуравны нэгийг–Намайг хайрладаг, Надаар бүрэн байлдан дагуулагдсан гуравны нэгийг байлгах ба хуулийн дор Израильчуудын хийсэнтэй адилаар энэхүү гуравны нэгийг үржил шимтэй байж, өсөн үржихэд Би хүргэж, тэднийг элбэг дэлбэг хонь мал болоод газар дээрх бүх эд баялгаар тэжээн, тэтгэх болно. Энэ хүн төрөлхтөн Надтай хамт үүрд үлдэх боловч энэ нь өнөөдрийн хөөрхийлөлтэй бузар хүн төрөлхтөн биш байх бөгөөд харин Миний олж авсан бүх хүмүүсээс бүрдсэн хүн төрөлхтөн байх юм. Тийм хүн төрөлхтнийг Сатан хорлон сүйтгэж, үймүүлж, бүслэн авч чадахгүй ба энэ нь Намайг Сатаныг ялснаас хойш газар дээр оршин тогтнох цорын ганц хүн төрөлхтөн байх болно. Энэ нь өнөөдрийн Миний байлдан дагуулсан, Миний амлалтыг хүртсэн хүн төрөлхтөн юм. Иймээс, сүүлчийн өдрүүдэд байлдан дагуулагдсан хүн төрөлхтөн бол мөн өршөөгдөн уучлагдаж, Миний мөнхийн адислалыг хүртэх хүн төрөлхтөн байх юм. Энэ нь Би Сатаныг ялан дийлсний цорын ганц баталгаа ба Сатантай хийсэн Миний дайн тулааны цорын ганц олз омог байх болно. Дайны эдгээр олз омгийг Би Сатаны эзэмшлээс аварсан ба Миний зургаан мянган жилийн эзэмшилт төлөвлөгөөний цорын ганц үр жимс, бодит биелэл юм. Тэд бүх улс үндэстэн, шашин шүтлэгээс болон ертөнц дээрх бүх газар нутаг, улсаас ирнэ. Тэд янз бүрийн угсаа язгууртай, өөр өөр хэл, зан заншил, арьсны өнгөтэй байх ба тэд дэлхийн бөмбөрцгийн бүх улс үндэстэн даяар, дэлхийн бүх өнцөг буланд тархан түгэх болно. Эцэст нь тэд бүрэн төгс хүн төрөлхтөн буюу Сатаны хүчинд авташгүй хүмүүсийн чуулганыг бүрдүүлэхийн тулд нэгдэх болно. Тэдгээр хүн төрөлхтөний доторх Надаар аврагдаж, байлдан дагуулагдаагүй хүн далайн гүнд живэх ба Миний бүхнийг залгигч галд үүрд шатаагдах болно. Би Египетийн ууган хүү, анх төрсөн төлийг устгаж, хурганы мах идэж, хурганы цусыг ууж, хаалганыхаа тотгонд хурганы цусаар тэмдэг тавьсан Израильчуудыг л зөвхөн үлдээснийхээ адилаар хуучин, хэтэрхий бузар хүн төрөлхтөнийг устгах болно. Миний байлдан дагуулсан хүмүүс Миний гэр бүлийнхэн бөгөөд, мөн Миний Хурганы махыг идэж, Миний Хурганы цусыг уусан хүмүүс ч гэсэн Надаар аврагдаж, Намайг тахин шүтээгүй гэж үү? Тийм хүмүүс дандаа Миний суу алдрыг дагадаггүй гэж үү? Хурга Миний махгүй хүмүүс аль хэдийн далайн гүнд живэхгүй гэж үү? Өнөөдөр тэд Намайг эсэргүүцдэг ба өнөөдрийн Миний үг Израилийн хүү, охидод хэлсэн Еховагийнхтай яг адилхан. Гэсэн ч та нарын хатуу зүрх сэтгэл Миний уур хилэнг хадгалж, бие махбоддоо илүү их зовлонг, нүгэлдээ илүү их шүүлтийг, шударга бус байдалдаа илүү их уур хилэнг авчирдаг. Өнөөдөр та нар Надад ингэж хандаж байхад, Миний уур хилэнгийн өдөр хэн өршөөгдөх юм бэ? Хэний шударга бус байдал Миний шийтгэл гэсгээлтийн нүднээс зугтаж чадах юм бэ? Төгс хүчит Миний гараас хэний нүгэл мултрах юм бэ? Төгс хүчит Миний шүүлтийг хэн хүлээж авах юм бэ? Ехова, Би харь үндэстэнүүдийн үр удам болох та нартай ярьж байна, та нарт хэлэх Миний үг Хуулийн Эрин Үе болоод Нигүүлслийн Эрин Үеийн үгээс илүү, гэхдээ та нар Египетийн бүх хүмүүсээс ч илүү хатуу юм. Намайг амс хийн ажиллах зуур та нар Миний уур хилэнг агуулдаггүй гэж үү? Төгс хүчит Миний өдрөөс та нар хэрхэн гэмтэлгүйгээр зугтах вэ?

  Би та нарын дунд ийм байдлаар ажиллаж, ярьсаар ирсэн, Би маш их эрч хүч, хүчин чармайлтаа зориулсан боловч Миний ний нуугүй хэлсэн бүгдийг та нар хэзээ сонсож байсан юм бэ? Та нар Төгс хүчит Надад мэхийн ёсолж байсан уу? Та нар Надад яагаад ингэж хандаж байгаа юм бэ? Яагаад та нарын хэлдэг, хийдэг бүхэн Миний уурыг хүргэдэг юм бэ? Яагаад та нарын зүрх сэтгэл ийм хатуу юм бэ? Би хэзээ нэгэн цагт та нарыг цохин унагаж байсан уу? Яагаад та нар Намайг зовоож, түгшээхээс өөрийг хийдэггүй юм бэ? Та нар, Ехова Миний уур хилэн та нар дээр ирэх өдрийг хүлээж байгаа юм уу? Та нарын дуулгаваргүй байдлаас үүдсэн уураа илгээхийг минь та нар хүлээж байна уу? Миний хийж буй бүхэн та нарын төлөө биш гэж үү? Гэсэн хэдий ч та нар Ехова Надад үргэлж ингэж ханддаг: Миний золиослолыг хулгайлж, чонын үүрэн дэх бэлтрэг, зулзагануудыг тэжээхийн тулд Миний тахилын ширээн дээрх өргөлийг авч; “хүмүүс” бие биенийхээ эсрэг тэмцэлдэж, ууртай харц, сэлэм жадтайгаар бие биетэйгээ нүүр тулж, баас шиг бохир заваан болохын тулд Төгс хүчит Миний үгийг жорлон руу хаядаг. Та нарын шударга үнэнч байдал хаана байна? Та нарын хүнлэг чанар шившигт явдал болсон! Та нарын зүрх сэтгэл аль хэдийн чулуу болон хувирсан. Миний уур хилэнгийн өдөр ирэх үед, өнөөдөр Төгс хүчит Миний эсрэг хийсэн нүглийг чинь шүүх үед ямар байхыг та нар мэдэхгүй байна уу? Намайг ингэж хуурснаар, Миний үгийг шавар шавхайд хаяж, тэдгээрийг сонсохгүй байснаар–Миний ардуур ингэж авирласнаар Миний хилэнт харцнаас зайлсхийж чадна гэж та нар бодож байна уу? Миний золиослолыг хулгайлж, Миний эзэмшилд санаархахдаа та нар Ехова Миний нүдэнд аль хэдийн харагдсан гэдгээ мэдэхгүй байна уу? Миний золиослолыг хулгайлах үедээ, тухайн золиослолыг өргөсөн тахилын ширээний өмнө байсан гэдгээ та нар мэдэхгүй байна уу? Намайг ийм байдлаар хуурч чадахуйц ухаалаг гэдэгтээ та нар яаж итгэж чадаж байна вэ? Миний уур хилэн та нарын жигшмээр нүглийг хэрхэн орхих юм бэ? Миний уур омог та нарын нүгэлт үйлдлүүдийг хэрхэн өнгөрөөж чадах юм бэ? Өнөөдөр та нарын үйлдсэн нүгэл, гарах гарцыг чамд нээж өгөхгүй, харин та нарын маргаашийн гэсгээлтийг агуулдаг; энэ нь Төгс хүчит Миний чам руу чиглэсэн шийтгэл гэсгээлтийг өдөөдөг. Та нарын нүгэлт үйлдэл болон нүгэлт үгс чинь Миний гэсгээлтээс хэрхэн зайлах вэ? Та нарын залбирал яаж Миний чихэнд хүрэх юм бэ? Та нарыг шударга бус байдлаас гаргах замыг Би хэрхэн нээх вэ? Намайг үл тоомсорлосон та нарын нүгэлт үйлдлийг Би хэрхэн зүгээр орхиж чадах вэ? Могойнх шиг хортой та нарын хэлийг Би таслахгүй байж яаж чадах вэ? Та нар шударга байдлынхаа төлөө Намайг дууддаггүй, харин үүний оронд шударга бус байдлынхаа үр дүнд Миний уур хилэнг ихэсгэдэг. Би та нарыг хэрхэн уучилж өршөөх вэ? Төгс хүчит Миний нүдээр та нарын үг, үйлдэл чинь бохир заваан. Төгс хүчит Миний нүд та нарын шударга бус байдлыг өршөөлгүй гэсгээлт болгон хардаг. Миний шударга зөвт шийтгэл, шүүлт та нарыг хэрхэн орхих билээ? Та нар Намайг уйтгар гунигтай, уур хилэнтэй болгож энэ бүхнийг Надад хийсэн учраас, Ехова Би та нарыг гэсгээн шийтгэж, хараан зүхэх өдөр Миний гараас мултрахыг Би хэрхэн зөвшөөрөх вэ? Та нарын бүх нүгэлт үг, яриа аль хэдийн Миний чихэнд хүрсэн гэдгийг та нар мэдэхгүй гэж үү? Та нарын шударга бус байдал аль хэдийн Миний шударга үнэний ариун өмсгөлийг балиартуулсан гэдгийг та нар мэдэхгүй гэж үү? Та нарын дуулгаваргүй байдал Миний асар их уурыг хөдөлгөсөн гэдгээ та нар мэдэхгүй юу? Та нар Миний уурыг хэдийнээс буцалгаж, Миний тэвчээрийг аль хэдийн барсан гэдгээ мэдэхгүй байна гэж үү? Та нар Миний биеийг аль хэдийн тасар татан гэмтээсэн гэдгээ мэдэхгүй гэж үү? Би одоог хүртэл тэвчсээр ирсэн, цаашид та нарыг тэвчиж чадахгүй учраас Би уур хилэнгээ гаргана. Та нарын нүгэлт үйл аль хэдийн Миний нүдэнд хүрсэн ба Миний уйлаан аль хэдийн Миний Эцгийн чихэнд хүрсэн гэдгийг та нар мэдэхгүй гэж үү? Надад ингэж хандахыг Би та нарт хэрхэн зөвшөөрөх юм бэ? Миний та нарт хийж байгаа бүхэн та нарын төлөө биш гэж үү? Гэсэн ч та нарын хэн чинь Ехова Миний ажлыг илүү их хайрладаг болсон бэ? Би сул дорой учраас, мөн Би зовон шаналсан учраас Эцгийнхээ хүсэлд Би үнэнч бус байж болох уу? Та нар Миний зүрх сэтгэлийг ойлгохгүй байна уу? Би та нартай Ехова шиг ярьж байна; Би та нарын төлөө хэтэрхий ихийг орхиогүй гэж үү? Эцгийнхээ ажлын төлөө энэ бүх зовлонг туулахад Би бэлэн байгаа хэдий ч, Миний зовлонгийн үр дүнд та нарт ирэх гэсгээлт шийтгэлээс та нар хэрхэн чөлөөлөгдөх вэ? Та нар Надаас маш ихийг эдлээгүй гэж үү? Өнөөдөр, Миний Эцэг та нарт Намайг өгсөн; та нар Миний өгөөмөр үгсээс хамаагүй ихийг эдэлсэн гэдгээ мэдэж байна уу? Миний амь, та нарын амийн төлөө, эдэлж байгаа зүйлсийн чинь төлөө солигдсон гэдгийг та нар мэдэхгүй гэж үү? Миний Эцэг Сатантай тэмцэхийн тулд Миний амийг ашигласан ба та нарт зуу дахин ихийг өгөхийн тулд, маш олон уруу таталтаас зайлсхийх боломжийг та нарт олгохын тулд Тэр Миний амийг та нарт өгсөн гэдгийг мэдэхгүй гэж үү? Зөвхөн Миний ажлаар л дамжуулан олон уруу таталтуудаас, олон гэсгээлтээс чөлөөлөгдөж байсан гэдгээ та нар мэдэх үү? Зөвхөн Надаас болж л Миний Эцэг та нарт одоог хүртэл таатай байх боломжийг олгосон гэдгийг мэдэх үү? Та нарын зүрх сэтгэл эвэршсэн мэт, яаж хатуу хэвээр үлдэж чадаж байна вэ? Та нарын өнөөдөр үйлдэж буй нүгэл, Миний энэ дэлхийгээс явсны дараа болох уур хилэнгийн өдрөөс хэрхэн зайлсхийх юм бэ? Тийм хатуу зүрх сэтгэлтэй хүмүүсийг Еховагийн уур омгоос зугтахыг Би хэрхэн зөвшөөрөх вэ?

  Өнгөрснийг бодоод үз: Хэзээ та нарт чиглэсэн Миний харц ууртай, Миний дуу хоолой ширүүн байсан бэ? Би хэзээ өчүүхэн зүйлээс болж та нартай маргалдаж байсан бэ? Би хэзээ та нарыг шалтгаангүйгээр зэмлэн буруушааж байсан бэ? Би хэзээ та нарыг нүүрэн дээр чинь зэмлэсэн бэ? Та нарыг бүх уруу таталтаас хамгаалахыг Эцгээсээ гуйж байсан нь Миний ажлын төлөө биш гэж үү? Яагаад та нар Надад ингэж хандаж байгаа юм бэ? Та нарын бие махбодыг зовоохын тулд Би эрх мэдлээ хэзээ нэгэн цагт ашигласан гэж үү? Та нар яагаад Миний ачийг ингэж хариулж байгаа юм бэ? Та нар Надад тодорхой бус хандсаны дараа, та нар халуун ч биш, хүйтэн ч биш, тэгээд дараа нь та нар Намайг хуурч, Надаас аливааг нуудаг ба та нарын ам шударга бусын шүлсээр дүүрэн байдаг. Та нарын хэл Миний Сүнсийг хуурч чадна гэж та нар бодож байна уу? Та нарын хэл Миний уур хилэнгээс зугтаж чадна гэж бодож байна уу? Та нарын хэл Ехова Миний шүүлтээс хүссэн үедээ зугтаж чадна гэж бодож байна уу? Би, хүнээр шүүгддэг Бурхан гэж үү? Өчүүхэн өт авгалдай ингэж Миний нэр төрийг гутаахыг Би зөвшөөрнө гэж үү? Би тийм дуулгаваргүй хүмүүсийг Өөрийн мөнхийн адислалдаа хэрхэн оруулах вэ? Та нарын үг, үйлдэл аль хэдийн илчлэгдэж, та нарыг ялласан. Би тэнгэрийг дэлгэж, бүх зүйлсийг бүтээх үедээ ямар ч бүтээл хүссэнээрээ авирлахыг зөвшөөрөөгүй, тэр ч байтугай ямар ч зүйл Миний ажлыг, Миний эзэгнэлийг хүссэнээрээ тасалдуулахыг Би зөвшөөрөхгүй. Би хэнийг ч, юуг ч тэвчихгүй; Надад тийм харгис хүмүүнлэг бусаар хандаж байхад би тэднийг хэрхэн өршөөх вэ? Миний үгийг эсэргүүцсэн тэдгээр хүмүүсийг би хэрхэн уучлах вэ? Намайг дуулгавартай дагадаггүй хүмүүсийг Би хэрхэн өршөөх вэ? Төгс хүчит Миний гарт хүний хувь заяа нь байдаггүй гэж үү? Би та нарын шударга бус байдал болоод дуулгаваргүй байдлыг хэрхэн ариун гэж үзэх вэ? Та нарын нүгэл Миний ариун байдлыг яаж гутааж болох юм бэ? Би шударга бус хүмүүсийн ариун бус байдлаар гутаагдахгүй ба шударга бус хүмүүсийн өргөлийг Би таалахгүй. Хэрвээ та нар Ехова Надад үнэнч байсан бол Миний тахилын ширээнд өөрийгөө өргөл болгож чадах уу? Та нар Миний ариун нэрийг гутаахын тулд хортой хэлээ ашиглаж чадах уу? Ийм байдлаар та нар Миний үгийг эсэргүүцэж чадах уу? Та нар Миний алдар суу ба ариун нэрийг нүгэлт муу Сатанд үйлчлэх хэрэгсэл болгон ашиглаж чадах уу? Ариун зүйлсийг таашаахын тулд Миний амь өгөгдсөн. Миний амиар хүссэнээрээ тоглож, үүнийг өөрсдийнхөө дундах зөрчилдөөний хэрэгсэл болгон ашиглахыг чинь Би яаж зөвшөөрөх юм бэ? Та нар яаж Надад цэвдэг хүйтэн, харгис догшин хандаж чаддаг байна? Эдгээр амийн үгэнд Би та нарын нүгэлт үйлийг аль хэдийн бичсэн гэдгийг та нар мэдэхгүй гэж үү? Би Египетийг гэсгээн шийтгэх үед та нар уур хилэнгийн өдрөөс хэрхэн зугтах вэ? Би яагаад та нараар дахин дахин үгүйсгэгдэж, үл тоогдох ёстой юм бэ? Би та нарт шууд хэлье, цаг нь ирэхэд та нарын гэсгээлт шийтгэл Египетийнхээс илүү тэсэшгүй байх болно! Та нар Миний уур хилэнгийн өдрөөс хэрхэн зугтах вэ? Би үнэнээр та нарт хэлье: Миний тэвчээр та нарын нүгэлт үйлийн төлөө бэлтгэгдсэн ба тэр өдрийн гэсгээлтийн төлөө оршин байгаа. Намайг тэвчээрээ барсны дараа, уур хилэнт шүүлтийг амсах хүмүүс та нар биш гэж үү? Бүх зүйлс Төгс хүчит Миний гарт байгаа биш гэж үү? Тэнгэрийн дор та нар Надад ингэж дуулгаваргүй хандахыг Би хэрхэн зөвшөөрөх билээ? Удахгүй ирнэ гэж хэлээд хараахан ирээгүй байсан Мессиатай уулзсан учраас та нарын амьдрал маш хүнд хэцүү байх болно. Та нар Түүний дайснууд биш гэж үү? Есүс та нарын найз байсаар ирсэн боловч та нар Мессиагийн дайснууд юм. Хэдийгээр та нар Есүстэй найзууд ч гэсэн, та нарын нүгэлт үйлдэл чинь жигшүүртэй хүмүүсийн савыг дүүргэсэн гэдгээ мэдэх үү? Хэдий та нар Еховатай маш ойр дотно байдаг ч, та нарын нүгэлт үгс Еховагийн чихэнд хүрч, Түүний уурыг хүргэсэн гэдгийг та нар мэдэхгүй гэж үү? Тэр хэрхэн та нартай ойр дотно байж, нүгэлт үйлээр дүүрсэн та нарын савыг хэрхэн шатаахгүй байх юм бэ? Тэр яаж та нарын дайсан биш байх юм бэ?

«Үг нь Махбодоор Илэрсэн»-номоос

ЗүүнийАянга |ТөгсXүчит Бурханы Чуулган бол эргэн ирсэн ЭзэнЕсүс - сүүлчийн өдрүүдийн Христийн ТөгсXүчит Бурхан Хятад дахь ажлын улмаас үүсэн бий болсон юм. хэн нэгэн хүн байгуулаагүй билээ.Христ бол үнэн, зам, амь. Бурханы үгийг уншаад та Бурхан гарч ирснийг харах болно.