Христийн Сэнтийн ѳмнөх шүүлт—Дахин төрөлт

Дахин төрөлт

Ианг Ценг   Хэйлонжианг Муж

Би, хүмүүсийн бодол дахь үндэслэлээр бол хөдөөгийн нэгэн ядуу гэр бүлд төрсөн. Би багаасаа л нэр төрд дуртай байсан бөгөөд байр суурийн төлөөх миний хүсэл ялангуяа маш хүчтэй байв. Цаг хугацааны явцад, нийгмийн нөлөө, уламжлалт боловсролоор дамжин би оршин тогтнохын тулд зүрх сэтгэлдээ Сатаны бүхий л төрлийн дүрэм журмыг хэрэглэсэн. Үзэсгэлэнт төрөлх нутгаа өөрийн гараараа бүтээн байгуулах, нэр төр чамайг үхэшгүй мөнх болгоно, модонд үндэс хэрэгтэй байдгийн адил хүмүүст нэр нүүр хэрэгтэй, амжилтанд хүрч, хамгийн оргилд нь байх, хүн өвөг дээдэстээ өргөмжлөл авчрах ёстой гэх мэт бүхий л төрлийн худал хуурмаг зүйлс нэр төр, байр суурийн төлөөх хүслийг маань тэжээн тэтгэж байв. Эдгээр нь аажмаар миний амьдрал болж бид энэ дэлхий дээр амьдарч л байгаа бол бусдад хүндлэгдэхийн тулд ажиллах хэрэгтэй болдог гэдэгт хатуу итгэхэд намайг хүргэсэн. Ямар ч хүмүүсийн дунд байсан ялгаагүй бид байр суурьтай, хамгийн тэргүүний нэгэн байх ёстой. Зөвхөн ийм л маягаар амьдарснаар бид шулуун шударга, сүр хүчтэй байж чадна. Зөвхөн ийм амьдралаар амьдрах нь үнэ цэнэтэй. Мөрөөдөлдөө хүрэхийн тулд би бага сургуульдаа маш хичээнгүй суралцсан; шуурганаар ч, өвчтэй байсан ч би хэзээ ч хичээлээ тасалдаггүй байсан. Би дунд сургуульд ортлоо өдөр бүр ийм байсан. Мөрөөдөлдөө хүрэх ойртож байгаагаа би хараад ажлынхаа эрчийг бууруулж зүрхлээгүй. Би тууштай байх ёстой, би өөрийгөө багш нартаа болон найзууддаа сайнаар харуулах ёстой гэж өөртөө байн байн хэлдэг байлаа. Гэсэн ч, яг л тэгэхэд төсөөлж байгаагүй зүйл болсон. Манай тэргүүлэх багшийн талаар маргаан үүссэн бөгөөд сургуулийн захирал үймээний шалтгаан нь байлаа. Бүх багш, оюутнууд энэ талаар мэдсэн. Нэг өдөр хичээл дээр тэр багш биднээс энэ тухай ямар нэгэн зүйл мэдсэн эсэхийг асуухад бусад бүх оюутан “Үгүй” гэж хариулсан. Зөвхөн би л шударгаар “Би сонссон” гэж хариулсан. Тэр үеэс эхлээд тэр багш намайг түүний хажуугаас хатгасан өргөс мэт харж аливаа зүйлсийг миний хувьд хэцүү болгох, надаар хуулийг чанд сахиулах шалтгийг байн байн олдог боллоо. Ангийнхан маань надаас зай авч, ад шоо үзэж эхлэв. Тэд надаар доог тохуу хийж, доромжилсон. Эцэст нь, би энэ төрлийн тарчлааныг цаашид тэвчиж чадалгүй сургуулиас гарсан. Миний, амжилтанд хүрч бусдын оргилд байх хүсэл сүйрсэн нь энэ. Нүүрээрээ газарт шаан унаж ирээдүйнхээ өдрүүдийн тухай бодоод би үгээр хэлшгүй уйтар гуниг, дүнсгэр байдлыг мэдэрсэн. Би бодлоо: Миний амьдрал ингээд анзаарагдамгүй өнгөрнө гэж үү? Байр суурь, нэр хүнд, ирээдүй байхгүй. Ингэж амьдрах хэрэг юу байна аа? Тэр үед би энэ баримтыг үнэхээр хүлээн авахыг хүсэхгүй байсан, гэхдээ нөхцөл байдлаа өөрчлөх ямар ч найдваргүй байв. Би өөрийгөө мултлан гаргаж чадахгүй зовлон шаналал, найдваргүй байдлын дунд амьдарч байхад минь Төгс Хүчит Бурхан намайг аварч, миний зүрх сэтгэлд сөнөж мөхөөд байсан хүслийг дахин ноцоосон. Тэр үеэс эхлээд би бүхэл бүтэн шинэ амьдралыг эхэлсэн.

1999 оны 3 дугаар сар байлаа. Би санамсаргүй боломжоор сүүлчийн өдрүүдийн Төгс Хүчит Бурханы сайн мэдээг сонссон юм. Бие махбод болсон Бурхан дэлхий дээр ирсэн бөгөөд биднийг Сатаны ноёрхлоос аврахын тулд, унасан, зовж шаналсан амьдралаас биднийг салахыг зөвшөөрөхийн тулд, Тэр Өөрөө хүн төрөлхтөнтэй ярьж, удирдаж байгааг би мэдсэн. Ах, эгч нарын тэвчээртэй, хянамгай нөхөрлөлөөс би Бурханы зургаан мянган жилийн эзэгнэлтийн төлөвлөгөө, Бурханы махан бие болсны нууц, мөн ялзарсан хүмүүст бие махбод болсон Бурханы аврал хэрэгтэй гэдгийг, бүтээлүүд ямар мэдрэмжтэй байх хэрэгтэйг, энгийн хүнлэг байдлаа хэрхэн амьдруулан гаргах хэрэгтэйг, жинхэнэ хүний амьдрал гэж юу болох тухай гэх мэтчилэн урьд өмнө хэзээ ч сонсож байгаагүй олон үнэнийг сонссон… Би эдгээр үнэнээр маш гүнзгий удирдуулсан, эдгээр нь, энэ бол үнэн Бурханы ажил байсан гэдэгт намайг хатуу итгүүлсэн юм. Тэр өдөр ах, эгч нар бас амьдралын туршлагын тухай дуу дуулсан: “Гашуун өнгөрсөн үе болон өнөө үеийн сайхныг бодохоор Бурханыг би улам их хайрладаг”: “Өө бодитой Бурхан минь! Түүхийг минь сонсооч гэж би Танаас гуйя. Өнгөрсөн үеэ бодохоор би уйлдаг; зүрх сэтгэл минь харанхуй, гэрэлгүй байсан; амьдрал минь итгэл найдваргүй байлаа, амьдрал дахь зовлонгийнхоо талаар би ярьж чадсангүй, өдөр хоногийг дэмий өнгөрүүлж байлаа. Энэ нь яаж зүрх сэтгэлд минь гаслан учруулахгүй байх юм бэ? Өө бодитой Бурхан минь! Намайг сонсооч, өнгөрснөө бодохоор зүрх сэтгэл минь шаналж байна. Диавол Сатан намайг хорлож, завхруулж, унагаж байлаа. Таны үг намайг гэрэлтүүлж, харанхуйгаас хөтлөн гаргалаа. Өө жинхэнэ Бурхан минь! Өө жинхэнэ Бурхан минь! Зүрх сэтгэлийнхээ угаас би Танд хайртай.” Энэ нь түнэр харанхуйд удаан хугацаагаар байсан миний сүнсийг гэрлийн туяа адил гэрэлтүүлсэн, тэгээд би нулимсаа сад тавихгүй байж чадаагүй. Олон жилийн хавчлага, шударга бус байдал, уйтгар гуниг гэнэт хөнгөрөөд явчих шиг санагдсан. Миний сэтгэл нэлээн хөнгөрсөн мэт байв. Энэхүү догдлолоос гадна би, ядарч сульдсан, уйтгартай сүнсэнд минь халуун дулаан оромж олохыг зөвшөөрч сая сая хүмүүсийн дундаас намайг сонгосонд Бурханд бүр ч илүү талархсан. Тэр үеэс эхлэн миний амьдрал бүрэн өөрчлөгдөв. Би цаашид дүнсгэр, идэвхгүй байхаа больж бүхий л оюун санаагаа Бурханы үгийг уншихад, цуглаанд очиход, үнэний талаар нөхөрлөхөд зориулсан. Өдөр болгон бүрэн дүүрэн, бас аз жаргалтай байв. Хожим нь би Бурханаар өргөгдөж, сайн мэдээ номлох үүрэг гүйцэтгэж эхэлсэн. Би нэлээн урам зоригтой, эерэг хандлагатай байсан бас тодорхой хэв чанартай гэдэг бодит баримтын улмаас хэсэг хугацааны дараа миний ажил үнэхээр үр жимсээ өгсөн билээ. Би сайн мэдээний багийн удирдагчаасаа магтаал хүртэж чуулганы ах, эгч нар маань бас намайг хүндэлдэг болсон. Тэд сайн мэдээ номлох талаар ойлгоогүй зүйлсээ асуухаар над дээр ирнэ. Үүнийг ойлгож ухааралгүйгээр би өөртөө бага зэрэг сэтгэл хангалуун болж эхэлсэн бөгөөд ингэж бодлоо: Дэлхий дээр үнэхээр олон жил хүссэн нэр хүнд, байр сууриа чуулганд би ийм хурдан олж авлаа. Миний “баатар” тал эцэст нь өөрийн байх газраа оллоо! Хийсэн зүйлсээ хараад надад сэтгэл дүүрэн мэдрэмж төрж, үүргээ гүйцэтгэхийн тулд би илүү шаргуу ажилласан. Би ямар ч хэцүү хүндрэл бэрхшээлтэй тулгарсан түүнийг даван туулахын тулд хамаг чадлаараа хичээдэг байлаа. Чуулган надаар ямар ч зүйлийг хийлгэхээр зохицуулалт хийсэн бай хамаагүй би сайн дураараа дуулгавартай байж, түүнийг биелүүлэхийн тулд чадах бүхнээ хийж байсан. Би үүрэг хариуцлагаа сайн гүйцэтгээгүй учраас чуулганы удирдагч надтай харьцаж, миний талуудыг засах үе байсан. Би хэчнээн сэтгэлээр унасан байсан ч ялгаагүй гадна талдаа өөртөө шалтаг гаргахгүй. Хэдийгээр энэ цаг үед би нэлээн зовж шаналсан ч ах, эгч нарын дунд байр суурьтай, тэдэнд хүндлэгдэж байгаа цагт ийм үнийг төлөх нь зүйтэй мэт мэдрэмж надад төрсөн. Гэвч Бурхан хүмүүсийн тал бүрийг харж чадна. Хүний амьдралын талаарх алдаатай үзэл бодлыг маань өөрчлөхийн тулд, Бурханд итгэх итгэл мөн үүргээ биелүүлэхдээ гаргадаг цэвэр ариун бус байдлыг маань ариусгахын тулд Бурхан над дээр шүүлт, гэсгээлтийг туршилт болон цэвэршүүлэлтийг явуулсан.

2003 онд би сайн мэдээний багийн ахлагчаар томилогдохоор нэр дэвшсэн. Байр суурийн хувьд ингэж өргөгдсөний зэрэгцээ миний ажлын цар хүрээ бас нэмэгдсэн бөгөөд би өөртөө илүү их тааламжтай байлаа: Алт газар сайгүй гялалздаг. Ах, эгч нарын атаархлыг төрүүлж, илүү ихээр хүндлүүлэхийн тулд би ажлаа сайн хийхээр, аажмаар өсөж дэвжихээр шийдэв. Ингэвэл үнэхээр гайхамшигтай байх болно! Үүрэг хариуцлагаа биелүүлэх газартаа намайг ирэхэд энэ төрлийн ажлыг дөнгөж аваад байгааг бас надад туршлага, арга барил дутуу байгааг тооцож үзээд чуулганы удирдагч, нэг нэгнээсээ суралцаг гээд ойролцоох талбарын өөр хэд хэдэн сайн мэдээний багийн удирдагч нарыг цуглуулсан. Гэхдээ хэд хэдэн нөхөрлөлийн дараа тэд бүгдээрээ надаас ахмад, бас ур чадвар муутай болохыг нь би харсан юм. Бурханы үгийн талаар нөхөрлөхөд тэд бас над шиг сайн дамжуулан мэдээлэхгүй байсан. Би бардамнахгүй байж чадаагүй бөгөөд тэдний талаар юу ч бодоогүй. Би өөрийн хүч чадлаараа сайн ажил хийж гарцаагүй чадна гэдэг мэдрэмж надад төрсөн. Цуглааны дараа би, багуудын талаар ойлголттой болохын тулд баг нэг бүр лүү нэн даруй явсан. Тэдний ажлын зарим алдаа дутагдал, орхигдуулсан зүйлсийг бас багийн зарим гишүүд сайн мэдээг номлох, Бурханд гэрчлэл хийх чадваргүйг нээн илрүүлээд би сэтгэл зовсон бас уур хүрсэн. Би ах, эгч нарыг загнахгүй байж чадаагүй: “Үүргээ ийм маягаар биелүүлэх нь Бурханы хүсэлтэй үнэхээр нийцэж чадах уу? Та нар үнэ төлөөс төлөхийг хүсэхгүй, харин Бурханаар аврагдахыг хүсэж байна. Ийм төрлийн хүнд мэдрэмж гэж байдаг уу? …” Заримдаа би нөхөрлөлийн үед сайн мэдээний ажилд хэрхэн оролцож байснаа, хүрсэн бүх үр дүнгээ хүн болгонд хэлж бусдын анхаарлыг өөр дээрээ татахыг хичээнэ. Ах, эгч нарын нүүрэнд атаархал илэрч байгааг хараад би ихэд маадайж бусдаас илүү үүрэг хариуцлагатай гэж өөрийгөө мэдэрдэг байсан. Цаг хугацааны явцад ах, эгч нар надтай ямар ч асуудлын талаар хэлэлцдэг болж Бурханд хандан залбирах, Түүнд найдахад анхаарал хандуулахаа больсон. Би үүнээс айж эмээгээгүйгээр барахгүй харин ч таашаан баяссан. Эцэст нь, Ариун Сүнсний ажлаас барьцаа бүрэн алдаж цаашид үнэхээр ажиллаж чадахаа болив. 2004 онд чуулган намайг үүрэг хариуцлагаас маань чөлөөлж, сүнслэг эргэцүүлэл хийлгэхээр гэрт маань илгээсэн. Энэ үр дүнтэй нүүр тулгараад, би ёроолгүй нүх рүү маш хурдан унах мэт болов. Бүтэлгүйтлийн хүчтэй мэдрэмжээсээ болоод миний бүх бие сул дорой болж ингэж бодохгүй байж чадаагүй: Би үүрэг хариуцлагаа биелүүлж эхэлж байхад үнэхээр гайхамшигтай байсан. Одоо ийм шившигтэйгээр буцаад явж байна, гэр бүлийнхэн, төрөлх хотынхоо ах, эгч нарын нүүрийг хэрхэн харах вэ? Тэд миний талаар юу гэж бодох бол? Тэд надаар доог тохуу хийж, дорд үзэх болов уу? Хүмүүсийн оюун санаан дахь дүр төрх, байр сууриа алдах талаар бодмогц салж унах гэж байгаа мэт мэдрэмж төрлөө. Би сөрөг байдалд амьдарч тэндээсээ өөрийгөө мулталж авч чадахгүй байсан бөгөөд Бурханы үгийг үргэлжлүүлэн уншиж ч чадахгүй байв. Энэхүү бухимдлын дунд би Бурханд хандан залбирахгүй байж чадаагүй: “Өө Бурхан минь! Би одоо үнэхээр сул дорой болж сүнс маань харанхуйд байна. Учир нь би халагдсан хэмээх энэхүү бодит баримтыг хүлээн авч чадахгүй байна. Би бас чуулганы зохицуулалтад дуулгавартай байхыг хүсэхгүй байна, гэхдээ Таны хийдэг юм бүхэн сайн бас Таны өгөөмөр хүслийг агуулдаг гэдгийг би мэднэ. Би Танаар гэгээрүүлэгдэхийг, Таны хүслийг ойлгохыг хүсэж байна.” Залбирсны дараа Бурханы эдгээр үгс надад гэгээрүүлэлтийг авчирсан: “Өөрсдийн эрэл хайгуулдаа та нар хэтэрхий олон хувийн үзэл, найдлага, ирээдүйтэй байдаг. Одоогийн ажил бол та нарын байр суурийн төлөөх хүсэл болон хэрээс хэтэрсэн хүсэлтэй чинь харьцахын тулд билээ. Байр суурийн төлөөх найдвар, хүсэл болон үзэл нь бүгд сатаны зан чанарын сонгодог төлөөлөл юм. …Хэдий та нар өнөөдөр энэ алхамд хүрсэн ч гэсэн байр суурийг одоо ч гэсэн тавьж явуулаагүй, харин нэг л өдөр та нарын байр суурь алга болж, та нарын нэр сүйрэх болно гэсэн гүн айдастайгаар үргэлж энэ талаар “сураглаж”, үүнийг өдөр тутам ажиглахаар хичээж байгаа. … Та нар одоо дагалдагчид бөгөөд та нарт ажлын энэ үе шатны талаар зарим нэг ойлголт байгаа. Гэсэн ч та нар байр суурийн төлөөх өөрсдийн хүслийг одоо ч хойш тавьдаггүй. Та нарын байр суурь өндөр үед та нар сайн эрж хайдаг боловч та нарын байр суурь доогуур үед та нар эрж хайхаа больдог. Байр суурийн ерөөл нь үргэлж та нарын оюун ухаанд байдаг. Яагаад дийлэнх хүмүүс сөрөг байдлаас гарч чаддаггүй юм бэ? Энэ нь үргэлж “хоосон” хэтийн ирээдүйгээс болдог биш гэж үү?”(Үг нь махбодоор илэрсэн номын “Чи яагаад товойлгогч байх хүсэлгүй байна вэ?”-ээс). Бурханы үгэнд илчлэгдсэн шүүлт надад гэнэтийн сэхээрлийг өгч, байр суурийн төлөөх миний хүсэлтэй тооцоо бодох, амьдралын зөв замд намайг хөл тавиулах нь Бурханы тухайн үеийн ажил байсан гэдгийг надад ойлгуулав. Үүрэг гүйцэтгэж эхэлсэн цагаа эргээд бодоход байр суурьтай байх үедээ би маш эерэг байжээ. Би өөртөө хэтэрхий их итгэлтэй, зовлон шаналал, хүндрэл бэрхшээлээс айхгүй байсан. Надтай тооцоо хийх, миний талуудыг засах гэсэн нэгэнтэй нүүр тулахаараа би эсэргүүцдэггүй байсан. Гэхдээ дараа нь надад явахыг зөвшөөрч гэртээ харих болоход сөрөг байдлаасаа буцаад гарч чаддаггүй байсан. Гадна өнгөн дээрээ би үүргээ гүйцэтгэж, Бурханы хүслийг хэрэгжүүлж байгаа мэт санагдах боловч бодит байдал дээр юмсыг өөрийнхөөрөө хийж үүрэг хариуцлагаа биелүүлэх далбаагаа намируулж байснаа би харав. Энэ нь олон жил нууцгай байсан—амжилтанд хүрч хүндлэгдэх гэсэн хүслээ хангалуун байлгахын тулд Бурханыг бүхэлд нь ашиглаж байсан хэрэг. Энэ нь үнэний мөрийг хөөхийн төлөө биш, Бурханыг сэтгэл хангалуун байлгахын тулд бүтээлийн үүргээ биелүүлэхийн төлөө ч биш байлаа. Би үүрэг хариуцлагаа гүйцэтгэх явцдаа ах, эгч нарын хангалтгүй байдлыг харсан бөгөөд тэдэнд хайраар туслаагүйгээр барахгүй тэднийг буруутгах, зэмлэх байр сууриндаа найдаж байжээ. Би зорилготойгоор өөрийгөө дөвийлгөж, өөртөө гэрчлэгч байж хүн бүрт хүндлүүлж шагшигдан гайхагдахын төлөө сэтгэл санаа зовдог байсан. Эхнээсээ эцсээ хүртэл би бодол, үйлдэлдээ ганцхан зорилготой байв—энэ нь байр суурийн төлөө Бурхантай жигшүүртэйгээр өрсөлдөж байсан хэрэг бус уу? Хүн төрөлхтөн Бурханаар бүтээгдсэн, тэгвэл бид Бурханыг бишрэн хүндэлж байвал зохистой. Бидний зүрх сэтгэл зөвхөн Бурханы байр суурийг агуулах ёстой, гэтэл би бохир заваан бас ялзарсан, байр суурийн төлөө Бурхантай өрсөлдөхийг хүссэн дорд нэгэн. Энэ нь аймшигтай биеэ тоосон хэрэг биш гэж үү? Энэ нь эгдүүцмээр, Бурхантай тэрсэлдсэн хэрэг биш гэж үү? Энэ нь Бурханы зан чанарт ноцтой халдсан зан авир биш гэж үү? Би тэр тухай бодоод бардам ихэмсэг уг чанараасаа болж айн чичрэхгүй байж чадаагүй. Би Бурханы шийтгэлийг хүлээвэл зохих субъектын аймшигтай нөхцөл байдалд аль хэдийнэ орчихсон болж таарлаа! Бурханы зан чанар зөвт бас ариун бөгөөд хүний халдлагыг тэвчдэггүй. Түүний ажлыг шалтгаангүйгээр саатуулж, алдагдуулахыг над шиг ийм цадиггүй хүүхдэд Тэр хэрхэн зөвшөөрч тэвчсэн юм бэ? Зөвхөн тэгэхэд л, миний байдлыг үргэлжлүүлэн зөвшөөрсөн нь Бурханы агуу тэвчээр, агуу хайр байсан гэдгийг би ойлгож ухаарав. Үгүй бол, Тэр намайг уучилж өршөөх боломжгүй цэгийг хүртэл би илүү их муу зүйлийг хийх байсан. Тэр үед хэтэрхий оройтсон байх болно. Энэ тухай би хэдийчинээ ихээр бодно төдийчинээ ихээр айж эмээн Бурханд хэтэрхий их өртэй мэдрэмж төдийчинээ ихээр төрсөн. Би Түүний өмнө хөсөр унаж, залбирахгүй байж чадаагүй: “Өө Бурхан минь! Миний уг чанар хэтэрхий биеэ тоосон, хэтэрхий өнгөцхөн байжээ. Би үүрэг хариуцлагаа гүйцэтгэх явцдаа үнэний мөрийг хөөгөөгүй, Таны хайрыг буцаан төлөх талаар бодоогүй. Би нэр хүнд, байр суурийн төлөө нааш цааш завгүй гүйж, чуулгандаа амжилтанд хүрэхийн тулд зүрх сэтгэлээ зориулжээ. Тэгвэл би үүргээ биелүүлэх явцдаа ямар зорилготой байвал бүдрэхгүй, унахгүй байж чадах вэ? Хэрвээ Таны шүүлт, гэсгээлт, Таны харьцалт, засалт цагаа олж миний дээр ирээгүй бол би Христийн дайсны замаар үргэлжлүүлэн алхах байсан нь гарцаагүй. Эцэст нь би авралд хүрэх боломжоо сүйрүүлэх байсан. Өө Бурхан минь! Таны өршөөл, намайг аварсан Таны авралын төлөө талархаж байна. Энэ өдрөөс хойш би өөрийн амбицаа үлдэн хөөж, үнэний мөрийг хөөх, Таны шүүлт, гэсгээлтээс илүү ихийг хүлээн авах, удалгүй өөрийн ялзарсан зан чанартаа өөрчлөлтөнд хүрэхийг хүсэж байна.” Бурханы гэгээрүүлэлт, удирдамж намайг сөрөг байдлаас маань гаргаж биеэ тоосон уг чанараа, Бурханыг эсэргүүцсэн мөн чанараа хүлээн зөвшөөрөх боломжийг надад олгосон. Би бас Бурханы зөвт чанарын талаар зарим нэгэн ойлголттой болсон ба сэтгэлдээ гайхамшигт чөлөөлөлтийг мэдэрсэн. Бурханы надад зориулсан ямар ч орчинд би үнэнийг үргэлжлүүлэн эрэлхийлж, Түүний хүслийг илүү гүнзгийгээр ойлгох хүсэлтэй байлаа.

Үүний дараа итгэлийн мөрийг хөөхдөө би Бурханы дараах үгсийг харсан: “Хүн нэг бүрийн хүрэх газрын Би нас, зэрэг зиндаа, зовлонгийн хэмжээ болон ялангуяа өрөвдүүлж буй түвшин дээр нь үндэслэж бус, харин үнэнийг эзэмшиж байгаа эсэхийнх нь дагуу шийддэг. Үүнээс өөр сонголт байхгүй. Бурханы хүслийг дагадаггүй бүх хүн шийтгэгдэнэ гэдгийг та нар ухаарах ёстой. Энэ бол хөдөлшгүй баримт” (Үг нь махбодоор илэрсэн номын “Чи хүрэх газрынхаа төлөө хангалттай сайн үйлийг бэлдэх учиртай”-аас). “Бурханы бүтээл болохын хувьд хүн Бурханы бүтээлийн үүргээ биелүүлэхээр тэмүүлж, өөр сонголт хийлгүйгээр Бурханыг хайрлахаар тэмүүлэх ёстой, учир нь Бурхан бол хүний хайрыг хүртэх эрхтэй билээ. Бурханыг хайрлахаар тэмүүлдэг хүмүүс ямар нэг хувийн эрх ашгийг эсвэл өөрсдийн хүсэн хүлээдэг зүйлийг эрж хайх ёсгүй; энэ нь эрэл хайгуулын хамгийн зөв арга барил юм” (Үг нь махбодоор илэрсэн номын “Амжилт эсвэл бүтэлгүйтэл нь хүний алхаж буй замаас хамаарна”-аас). Бурханы үгс аль хэдийнэ хүмүүст, итгэлийн мөрийг хөөх зүй зохистой арга замыг болон буруу зам гэж юу болохыг хүн төрөлхтөнд ойлгуулахын тулд Бурханы хүсэл, шаардлага гэж юу болох тухай төгс тодорхой, ойлгомжтой хэлсэн. Тэр үед би нэр хүнд, байр суурийг бүхнээс дээгүүр тавьсан, гэтэл үнэн хэрэгтээ, Бурхан хүний байр суурь хэр өндөрт байгааг, тэд ямар төрлийн зэрэг зиндаатай байгааг эсвэл Бурханд итгэх итгэлийнхээ төлөө тэд хэр их зовж шаналсныг хардаггүй. Тэр, тэдний үнэний мөрийг хөөсөн эсэхийг, Бурханы талаар жинхэнэ ойлголттой эсэхийг хардаг. Үнэн бүхий гэхдээ өндөр байр суурьгүй хүмүүс ч бас Түүний магтаал сайшаалыг хүртэж чадна, харин үнэн үгүй, өндөр байр суурьтай хүмүүс Бурханыг шалган туршиж, эсэргүүцдэг. Энэ бол Бурханы зөвт, ариун байдлын зан чанар. Байр суурь хүний хувь заяаг тодорхойлж чадахгүй, бас хэн нэгний Бурханд итгэх итгэл дэх авралын билэг тэмдэг болдоггүй. Энэ нь ялангуяа, хүний Бурханаар төгс төгөлдөр болгогдсоны шинж тэмдэг биш. Гэвч би өөрийн үнэ цэнээ хэмжихийн тулд байнга байр сууриа ашигладаг байсан бөгөөд бусдаар хүндлүүлж, гайхагдан шагшигддаг байх нь миний хамгийн агуу сэтгэл ханамж. Энэ нь тэр аяараа Бурханы шаардлагад тэрсэлсэн үйлдэл биш гэж үү? Бурханд ийм арга замаар итгэх нь бүхэлдээ үр ашиггүй зүйл байгаагүй гэж үү? Би Бурханаар аврагдах боломжгүй байгаад зогсохгүй, эцэст нь хорон муу үйлийнхээ улмаас Бурханы шийтгэлийг хүлээн зовж шаналах байсан. Тэр үед, Бурханы надад итгэж даалгасан зүйл надад үнэнд нэвтрэх боломжийг, зан чанарын өөрчлөлтийг хөөцөлдөх, дуулгавартай байх, Бурханы хайрыг эрэлхийлэх боломжийг, эцэст нь, Бурханаар аврагдаж, төгс болгогдох боломжийг олгосон. Зөвхөн энэ л зүй зохистой зам байсан. Энэ бүхнийг ойлгосныхоо дараа миний зүрх сэтгэл Бурханд талархах талархлаар дүүрсэн. Намайг буруу замаас татан гаргаж, гэгээрүүлсэн Түүний шүүлт, гэсгээлтийн ачаар би Түүний хүслийг ойлгож чадсан, энэ нь нэр хүнд, байр суурь хөөцөлдөхийн аюул, үр дагаврыг эцэст нь тодорхой харах боломжийг надад зөвшөөрсөн. Зөвхөн тэгэхэд л би сэрж, цаг үеэ олон эргэж чадсан. Тэр туршлагаар дамжуулан би зарим үнэнийг бас Бурханы нинжин сэтгэлийг ойлгосон бөгөөд миний оюун санааны байдал дахин нэг удаа сэргэсэн. Үүргээ биелүүлэхэд би өөрийгөө дахин зориулсан.

2004 оны Долдугаар сард би уулан дахь нэгэн алслагдсан газар луу явж, сайн мэдээний ажилд нэг ахтай хамтран ажилласан. Тэр ажлыг эхлэхэд өмнөх алдаанаасаа авсан сургамж маань миний оюун санаад хадаастай байв. Нэр төр эсвэл байр суурь хөөцөлдөхгүй харин үүрэг хариуцлагаа бүтээлийн хувьд үнэнч шударгаар биелүүлэхийг би өөртөө байн байн сануулсан. Тэгээд, миний ойлгохгүй эсвэл сайн мэдэхгүй асуудал гарахад би өөрийгөө хойш нь тавьж, асуудлыг хэлэлцэх шийдвэрлэхийн тулд ахтай нөхөрлөхөөр идэвхтэй эрэлхийлж байлаа. Харин миний ажил илүү их үр жимсийг өгч эхлэхэд биеэ тоосон уг чанар маань дахин гарч ирж би өөрийн дүр төрх, байр сууриндаа дахиад анхаарлаа хандуулж эхлэв. Нэг удаагийн цуглааны үеэр орон нутгийн сайн мэдээний багийн гишүүн надад баяртайгаар ингэж хэлсэн: “Таныг энд ирсний ачаар бид илүү олон хүмүүсийг өөрчилсөн….” Би амаараа, энэ бол Ариун Сүнсний ажлын үр дүн гэдгийг хэлсэн, гэвч зүрх сэтгэлдээ өөртөө маш тааламжтай байлаа. Тэр цуглаан дууссаны дараа би амьдарч байсан гэр бүлдээ эргэж ирээд, орон дээр сууж тэр үед хийсэн ажлынхаа дүр зураг нэг бүрийг оюун санаандаа эргэн саналаа. Би энэ ажлыг хийх үнэхээр чадвартай юм байна гэж бодоод өөртөө баяр хүргэхгүй байж чадаагүй: Би үргэлжлүүлэн шаргуу ажиллаж л байвал гарцаагүй дахиад албан тушаал дэвшиж чадна. Тэгээд би өөрийгөө бүхэлд нь баатар мэтээр харсан бөгөөд Бурханы байр суурь сэтгэлээс маань аль хэдийнэ гараад явчихсан байв. Үүний дараа би үүргээ биелүүлэхдээ хамтран ажиллагсадтайгаа байр суурийн төлөө өрсөлдөж, албан тушаалаа харьцуулж эхэлсэн. Бидний ажлын ямар нэгэн үр дүн бүгд миний хичээл зүтгэлийн үр дүн мэтээр би ах, эгч нарын анхаарлыг жигшүүртэйгээр татаж эхлэв. Би нэг удаад нэг шатаар гүн хавцал руу уруудан гулсаж эхлэхэд Бурхан дахин нэг удаа авралын гараа надад сунгасан. Нэг орой маш ноцтой ханиадны улмаас миний бие муудав. Миний халуун 102 градус хүрч хэдэн өдрөөр эм уусны дараа ч гэсэн биеийн байдал сайжрахгүй байлаа. Би тариа хийлгэхээр эмнэлэгт очсон боловч миний нөхцөл байдал сайжраагүйгээр барахгүй бүр ноцтой болсон. Би ямар ч хоол унд, бүр усыг ч хүртэл шингээж чадахгүй байлаа. Эцэст нь, би хэвтэрт орж үхлийн ирмэг дээр ирсэн мэт санагдаж байв. Өвчиндөө шаналан байхдаа би дараагийн өдөр ямар байр суурьтай байх талаар дахин бодоогүй. Би хурдхан сөхрөн сууж Бурханд хандан залбирсан: “Өө Бурхан минь! Надад ирж байгаа энэ өвчин Таны нинжин сэтгэлийн хүсэл бас Таны зөвт зан чанар юм. Би Таныг буруу ойлгохыг эсвэл Таныг буруутгахыг хүсэхгүй байна; намайг дахин нэг удаа гэгээрүүлж, гэрэлтүүлэхийг, Таны хүслийг ойлгохыг надад зөвшөөрөхийг гуйж байна. Ингэснээр би өөрийнхөө ялзралыг илүү гүнзгий ойлгохыг хүсэж байна.” Залбирсны дараа, миний сэтгэл илүү ихээр амар тайван болсон. Яг тэгэхэд, Бурханы эдгээр үгс миний дээр ирсэн: “Ихэмсэг бардам уг чанар чинь та нарыг өөрсдийн мөс чанараас урваж, Христийн эсрэг босож, эсэргүүцэж, өөрсдийн муу муухайг илчлэхэд хүргэх ба тэгснээр та нарын санаа зорилго, үзэл, хэтэрхий их хүсэл болон шуналаар дүүрэн нүдийг гэрэлд ил гаргах болно” (Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс). Бурханы эдгээр үг бүр зүрх сэтгэлийг маань сэлэм адил хатгасан; тэдгээр нь миний үхлийн цэгийг хатгах шиг болов. Миний илчилсэн биеэ тоосон байдлын муу муухай төрөл нэг бүр оюун санаанд маань маш тодорхой болж ирлээ. Зүрх сэтгэл маань зовж шаналан би хэмжээлшгүй ихээр ичсэн. Тэгэхэд л, ухамсар маань үндсэн үүргээ алдаж улмаар би Бурханд байнга үнэнч шударгаар дуулгавартай байж, бишрэн хүндэлж чадахгүй байсны шалтгаан нь миний биеэ тоосон уг чанар байсан гэдгийг би тодорхой харав. Энэ нь миний амбицаа, хүсэл зорилгоо далдлах шалтгаан болдог бөгөөд боломж олдмогц би байр суурийн төлөө өрсөлдөж, өөрийгөө харуулж, бусдаас дээгүүр гарахыг хүсдэг байжээ. Би зүгээр л хүмүүжилтэй хүн байж чадаагүй. Миний ажлын ямар нэгэн үр жимс Ариун Сүнсний ажлаас хамааралтай байсан нь тодорхой байсан; энэ бол Бурханы ерөөл байлаа. Гэтэл би нэр алдар олж авахын төлөө ичгүүргүйгээр Бурхантай өрсөлдөж, дахин биеэ тоож байр суурийн төлөө Бурхантай өрсөлдөн өөрийгөө өндөрт өргөхийн тулд боломжийг ашиглаж байв. Миний энэ биеэ тоосон уг чанар Бурханд тэрсэлсэн миний эсэргүүцлийн үндэс суурь нь байсан. Хэрвээ би үүнийг шийдвэрлээгүй бол хэзээ ч Бурханд дуулгавартай байдалд хүрэхгүй эсвэл үүргээ биелүүлэхдээ өөрийгөө зориулахгүй байх байсан.

Бурханы удирдамжин дор би Бурханы үгсийг дахиад бодсон: “Хүн өөрийнх нь жинхэнэ уг чанар юу болохыг, хэчнээн муухай, хэчнээн жигшүүртэй, хэчнээн хөөрхийлөлтэй болохыг ухаарах үедээ өөрөөрөө бахархдаггүй, тийм ч их ихэрхдэггүй ба урьдных шигээ өөртөө сэтгэл хангалуун байдаггүй. Түүнд ‘Би чин үнэнч, амьдралд илүү ойр байж, Бурханы зарим үгийг хэрэгжүүлэх ёстой. Тэгэхгүй бол би хүн байх стандартад нийцэхгүй ба Бурханы өмнө амьдрахаас ичнэ’ гэж санагддаг. Тэр өөрийгөө үнэхээр өчүүхэн, үнэхээр шалихгүй гэж хардаг. Энэ удаа түүний хувьд үнэнийг хэрэгжүүлэхэд амархан байдаг бөгөөд тэр хүнтэй илүү төстэй харагддаг” (Христийн ярианы тэмдэглэл номын “Өөрийгөө мэдэх нь үндсэндээ хүний уг чанарыг мэдэх явдал юм”). Бурханы үгс надад, хэрэгжүүлэх болон нэвтрэх зам зэргийг, хэрвээ би нэр хүнд, байр суурь, ирээдүйн тухай бодлоо өөрөөсөө бүхэлд нь зайлуулахыг хүсвэл уг чанараа мэдэхийн тулд би хичээл зүтгэл гаргах хэрэгтэй гэдгийг харуулсан. Би өөрийгөө ямар дорой, хэрэггүй гэдгээ үнэхээр харж чадвал бусдын анхаарлыг татахгүй, цаашид биеэ тоосон хандлага гаргахгүй байж чадна. Тэгвэл би хоёр хөлөөрөө газар дээр баттай зогсоод үнэний мөрийг хөөх чадвартай байна. Бодит байдал дээр, Бурхан энэхүү шүүлт, гэсгээлтийг, энэ цохилт, сахилга батыг удирдсан нь өөрийн мөн чанар, төрөлх ялгамж чанар, байр суурийнхаа талаар намайг үнэн зөв ойлголттой болгохын тулд байсан юм. Энэ нь надад Бурханы өмнө өөрийгөө мэдэх боломжийг олгох, сүнсний ядуурлаа бас би өөрөө юу ч биш гэдгээ хүлээн зөвшөөрөх боломжийг олгосон. Энэ нь, надад хэрэгтэй зүйл бол үнэн, Бурханы аврал бөгөөд би эндээс Бурханы өмнө хөсөр унаж хүмүүжилтэй хүн болно гэдгийг мэдэх боломжийг надад олгохын тулд байсан. Энэ нь, Бурханыг сэтгэл ханамжтай байлгахын тулд би үүргээ биелүүлэх, Түүний зүрх сэтгэлийг шархлуулж цаашид байр суурь хөөцөлдөхгүй байхын төлөө байсан юм. Түүний үгний удирдамжин дор надад урагшлах зам ба үнэний мөрийг хөөх өөртөө итгэх итгэл байсан. Хэдийгээр би Сатанаар гүн ялзруулагдаж миний биеэ тоосон уг чанар гүнзгий өртсөн боловч би Бурханы шүүлт, гэсгээлт, туршилт, цэвэршүүлэлтийг хүлээн авч, дуулгавартай байж түүнээсээ өөрийн уг чанар, мөн чанараа ойлгон хүлээн зөвшөөрч чадаж л байвал дараа нь үнэнийг цуцалтгүй хайж нэр хүнд, байр сууриас шалтгаалсан шаналал, хүлээснээс татгалзаж аврагдах, төгс төгөлдөр болгогдох замд гарцаагүй орж чадна. Би Бурхан руу эргэснээс хойш хоёр өдрийн дотор өвчнөөсөө илааршсан. Энэ нь, Тэр намайг сахилгажуулахын тулд өвчнийг ашигласан гэдгийг надад бүр ч ихээр ухааруулав. Энэ нь намайг зорилготойгоор шаналган зовоохын тулд биш бас ямар ч шийтгэл үүнд байхгүй-энэ нь миний хөшсөн сэтгэлийг сэрээхийн тулд, намайг аль болох хурднаар алдаа дутагдалтайгаар итгэлийн мөрийг хөөхөө болиход хүргэх, улмаар Бурханд итгэх зөв замд оруулахын тулд байсан билээ. Намайг Бурханы хайр маш их хөдөлгөж, урам оруулсан. Би чин сэтгэлээсээ Бурханд талархал, магтаал өргөсөн.

Өвчнөөсөө илааршсаны дараа би ажилдаа дахин өөрийгөө зориулсан. Би зүрх сэтгэлдээ чимээгүйхнээр шийдвэр гаргасан. Нэр хүнд, байр суурьтайгаар хийх ямар нэгэн зүйлтэй тулгарах үедээ байнга Бурханд гэрчлэгч байна гэж би зүрх сэтгэлдээ чимээгүйхнээр шийдвэрлэсэн. Хэдэн сарын дараа, өөр нэгэн сайн мэдээний багийн ахлагч маш сайн үр дүнд хүрч, Бурханы зарим гайхамшигт үйлдлүүдийг биеэрээ туулан мэдэрсэн бөгөөд зарим амжилттай туршлага, хэрэгжүүлэлтийн арга замынхаа талаар нэгдсэн дүгнэлт гаргасан гэдгийг би мэдлээ. Хэдий тийм боловч, миний оролцож байсан ажил буурч байв. Ах, эгч нарын нүүрэн дээр урам хугарсан байдал тодрохыг ялангуяа нэг эгчийн: “Бид одоо Бурханы ийм агуу авралыг таашаан баясаж байгаа боловч Түүний ажлын гэрчлэгч байж чадахгүй байна. Бид түүнд үнэхээр өртэй.” гэж хэлэхийг сонсоод хүн бүр өөрсдийгөө хорьж дийлэхгүй уйлахыг хараад миний сэтгэл маш их шаналсан. Энэ бэрхшээлтэй байдлаас хэрхэн гарахаа би мэдэхгүй байсан бөгөөд дахин дахин Бурханд залбирсан: “Өө Бурхан минь! Бодит хүндрэлтэй тулгарахдаа бид бүгд сул дорой байдаг гэхдээ энэ нь, Та бидний өөртөө итгэх итгэлийг, бидний үнэнч зориулалтыг шалгаж байгаа хэрэг гэдгийг би мэднэ. Гэвч миний биеийн хэмжээ хэтэрхий жижиг, би тийм ачааллыг үнэхээр даахгүй. Таны хүслийг ойлгохын төлөө намайг гэгээрүүлэхийг би гуйж байна. Би Таны удирдамжийн дагуу үйлдэхийг хүсэж байна.” Залбирсны дараа надад гэнэтийн бодол төрөв: Би тэндхийн хамтран ажиллагчаасаа бидэнтэй уулзаж нөхөрлөхийг хүсэх хэрэгтэй, ингэснээр түүний хүчтэй тал, туршлагаас нь авч болох юм. Тийм арга замаар ах, эгч нар ч гэсэн Ариун Сүнсний гэгээрүүлэлт, удирдлагыг таашаан баясаж, сайн мэдээний ажлыг хэрхэн хийхээ мэдэх болно. Энэ санаа Ариун Сүнсний удирдлагаас ирсэн гэдгийг би мэдэж байсан гэвч миний сэтгэлд зарим нэгэн болгоомжлол байсаар байлаа. Би бодсон: Би тэр ахаас бүх талаараа илүү байдаг байсан, тэгээд бид цуглаанд хамт оролцох үедээ би түүнийг байнга дорд үздэг байсан, харин одоо түүний гүйцэтгэл минийхээс илүү сайн байна. Тэр намайг одоо цөхөрч, ичиж зовж байгааг хараад шоолж инээх болов уу? Ах, эгч нар намайг дорд үзэх болов уу? Нэр нүүрээ хамгаалах маань юу болох вэ?… Би бодож, бодож нэр нүүр, байр суурийнхаа тухай санааг үлдэн хөөхийг зөвшөөрч чадахгүй л байлаа. Гэвч хүн төрөлхтнийг аврах Бурханы шуурхай хүслийн талаар, ах, эгч нарт маань Ариун Сүнсний удирдамж, удирдлага байхгүй байгааг бодмогц би зүрх сэтгэлдээ гэсгээгдсэн. Намайг эргэлзэж тээнэгэлзэн байхад Бурханы эдгээр үгс гэгээрүүлсэн: “Ариун Сүнс нь Бурханаар ашиглагддаг хүмүүс дээр л зөвхөн ажилладаг биш, үүнээс ч илүүтэйгээр чуулганд ажилладаг. Тэр хэн дээр ч ажиллаж байж болно. Тэр одоо чам дээр ч ажиллаж байж болох ба чамайг үүнийг мэдэрсний дараа Тэр өөр нэг хүн дээр ажиллаж болох юм. Яаравчлан дага; чи одоогийн гэрлийг хэдий чинээ ойрхон дагана, чиний амь төдий чинээ их төлөвшиж, өсөж чадна. Хүн ямар төрлийн хүн байх нь хамаагүй, Ариун Сүнс түүн дээр ажиллаж байгаа цагт, заавал дага. Түүний туршлагыг өөрийн болгож ав тэгвэл чи илүү өндөр зүйлсийг хүлээн авах болно. Ийнхүү хийснээр чи илүү хурдан ахих болно. Энэ бол хүний төгс төгөлдөржилтийн зам бөгөөд амь өсдөг зам юм. Ариун Сүнсний ажилд дуулгавартай байснаар дамжуулан төгс болгуулах замд хүрнэ. Бурхан ямар төрлийн хүнээр дамжуулан чамайг төгс болгохыг чи мэдэхгүй, мөн ямар хүн, тохиолдол эсвэл зүйлээр дамжуулан Тэр, зарим нэг мэдлэг ухааныг олж авч, эзэмших боломжийг чамд олгохыг ч чи мэдэхгүй” (Үг нь махбодоор илэрсэн номын “Үнэн сэтгэлээр Бурханыг дуулгавартай дагадаг нэгнийг Бурхан гарцаагүй олж авах болно”-оос). Бурханы үгийн удирдлага дор би Түүний хүслийг ойлгож, Ариун Сүнсний ажилд хүмүүсийг хэрхэн удирдах, төгөлдөржүүлэх талаар зарим нэгэн ойлголттой болов. Би ойлгож ухаарсан: Бурханы ажил болоод Бурханы мэргэн ухаан хосгүй бөгөөд нууцлаг юм. Ямар төрлийн хүнээр эсвэл зүйлээр дамжуулан Тэр намайг гэгээрүүлж Түүний хүслийг ойлгоход чиглүүлэн удирдахыг би мэдэхгүй, миний зан чанарын ялзралыг Тэр ямар орчноор дамжуулан шийдвэрлэхийг мэдэхгүй. Би Ариун Сүнсний ажилд дуулгавартай байж сурах ёстой, хүний байр суурь хэр өндөр, эсвэл бага байхаас, тэдний наснаас, тэд Бурханд хэр удаан итгэснээс үл шалтгаалан тэдний нөхөрлөл үнэн л байвал энэ нь Бурханы одоогийн хүсэл бөгөөд Ариун Сүнсний ажил болон гэгээрүүлэлтээс ирэх практик арга замыг онцлон харуулж чадна. Би хүлээн авч, дуулгавартай байж, бодитоор хэрэгжүүлэх ёстой-энэ бол миний эзэмших ёстой хүний сэдэл шалтгаан. Хэрвээ би Ариун Сүнсний ажилд дуулгавартай бус байвал, өөрийн хий хоосон хүсэл мөрөөдлөө хадгалахын тулд ажилдаа буулт хийхийг зөвшөөрөх хүсэлтэй байна гэсэн үг. Би өөрийн дүр төрх, байр сууриа хадгалахын тулд ах, эгч нарыг харанхуйд амьдрахыг зөвшөөрөх хүсэлтэй байна. Тийм тохиолдолд, би үнэн муу ёрын үйлчлэгч бас антихрист! Би үүнийг ойлгож ухаараад айхгүй байж чадаагүй, дахин муйхарлан зөрүүдэлж Ариун Сүнсний гэгээрүүлэлт, удирдамжийн эсрэг явж зүрхлээгүй. Би сатанлаг уг чанараа орхих, Бурханы зүрх сэтгэлийг бодит үйлдлээр дамжуулан тайтгаруулах хүсэлтэй байсан. Тиймд, би хамтран ажиллагчтайгаа нэн даруй утсаар ярьж бидэнтэй ирж харилцахыг хүссэн. Намайг ичээсэн зүйл юу вэ гэвэл бид биечлэн уулзсаны дараа тэр ах намайг хөндий хүйтнээр дорд үзээгүй эсвэл шоолж инээгээгүй. Ариун Сүнс тэдний дунд ажиллах явцад тэд хэрхэн хамтдаа ажилласан тухайгаа, бүтэлгүйтэл, саад тотгор тохиолдоход тэд хэрхэн Бурханд найдаж, Бурханд хандан залбирснаа, түүний дараагаар Бурханаас ямар үйлдлийг харснаа, Бурханы талаар ямар төрлийн үнэн ойлголтонд хүрсэн тухайгаа, бас өөр олон зүйлсийг тэр ах чин сэтгэлээсээ нөхөрлөлөөр хуваалцсан. Ахын санаа амарсан, хөгжилтэй байдлыг хараад, дараа нь ах, эгч нарын анхааралтай, шимтэн сонсож байгааг, дараа нь тэдний нүүрэн дээр инээмсэглэл аажмаар тодрохыг би хараад ихэд гансрах мэт цочир шаналлыг мэдэрсэн. Гэсэн хэдий ч энэ удаад бол өөрийн нэр нүүр эсвэл байр сууриа ханамжтай байлгахын тулд биш Бурханд өртэйн улмаас зүрх сэтгэлдээ би буруушаагдсан. Үүний улмаас, би сайн удирдагчийн хүлээдэг үүрэг хариуцлагыг чин үнэнээр, биеэрээ туулан мэдэрсэн. Хэрвээ миний дагасан зам зөв биш бол энэ нь үнэхээр олон хүний амьдралд хор хөнөөл учруулж, сүйрүүлнэ. Энэ нь үнэхээр олон хүмүүст сүнслэг шаналал авчирна. Тийм тохиолдолд би Бурханыг эсэргүүцдэг гол гэмтэн болохгүй гэж үү? Бурханы ажил биелэгдсэн тохиолдолд би Түүнд хэрхэн тайлан тавих вэ? Энэ бол тэр үед би эцэст нь, зүрх сэтгэлээсээ өөрийгөө үнэхээр зэвүүцсэн явдал байлаа. Өнгөрсөн хугацаанд үүргээ гүйцэтгэхдээ би ажилдаа шударгаар оролцдоггүй байснаа, зөвхөн нэр төр, байр суурь хөөцөлдөн, байр суурийн ивээлд баясан хөөрч байснаа үзэн ядсан. Энэ нь ах, эгч нарын амь руу нэвтрэх явдалд төдийгүй Бурханы хүслийг биелүүлэхэд бүр ч илүүтэйгээр хөндлөнгөөс оролцсон хэрэг. Би бас Ариун Сүнсний ажлаас барьцаа байн байн алдаж байсан бөгөөд харанхуйд унасан. Нэр төр, байр суурь хөөх нь сайнаас илүүтэйгээр хор хөнөөл их авчирдгийг би харсан. Гэхдээ, буруугаа мэдэрч харамссаны зэрэгцээ өчүүхэн төдий сэтгэл хөнгөрөхийг бас мэдэрсэн юм. Энэ нь, Бурханы удирдлагын дор би эцэст нь үнэнийг бодитоор хэрэгжүүлэхийн тулд хувийн эрх ашгаа үлдэн хөөснөөс шалтгаалсан. Ажилд, ах, эгч нарт, бас өөртөө үр ашигтай зарим зүйлийг би хийв. Энэ удаад би практик үйлдлээр дамжуулан Сатанд ичгүүрийг авчирч Бурханы гэрчлэгч байж чадсан билээ.

Бурханы ажлыг биеэрээ туулан мэдэрсэн туршлагаараа, бас нэр хүнд, байр суурийн хойноос хөөцөлдсөнийхөө улмаас би олон саад бэрхшээл, уналтуудын улмаас зовж шаналсан. Би олон удаа ухарч, түүнээсээ болоод олон харьцалт, цэвэршүүлэлтийг туулсан. Аажмаар, байр суурь чухал биш болохыг би харсан, өнгөрсөн хугацаанд итгэж байсан байр суурьгүй бол ирээдүй байхгүй, хэн ч чамайг хүндлэхгүй гэж өнгөрсөн хугацаанд итгэж байсан төөрөлдсөн үзэл маань орвонгоороо эргэсэн. Би одоо Бурханыг 15 жил дагаж байна. Над дээр ирсэн Бурханы ажлын талаар бодох бүрд сайхан мэдрэмж бүрхээд ирдэг. Миний төлөөх Бурханы хайр, авралыг би хэзээ ч мартаж чадахгүй. Хэрвээ энэ нь, Бурхан миний орчныг төлөвлөж, амьдралын маань эхэн үеийн амбицтай хүсэл мөрөөдөлтэй маань тооцоо бодохын тулд байгаагүйсэн бол олон жилийн турш дагаж амьдарсан, миний амьдрал болчихсон итгэлээсээ салахыг би хэрхэн хүсэх билээ? Хэрвээ энэ нь, Бурханы аврал над дээр цагаа олж ирэхийн төлөө биш байсан бол би одоог хүртэл Сатаны хорнууд, хуулиудын дагуу амьдарч хэзээ ч биелэхгүй мөрөөдлийнхөө төлөө амьдралаа дэмий үрэх байсан. Хэрвээ энэ нь, Бурханы давтан илчлэлт, цэвэршүүлэлтийн төлөө биш байсан бол би одоог хүртэл буруу замаар урагш зүтгэсээр, хий хоосон санаархлаа ямар ноцтойг, байр суурийн төлөөх миний хүсэл ямар хүчтэй болохыг хэзээ ч мэдэхгүй байх байлаа. Би ялангуяа, Бурханы дайсан гэдгээ ойлгож ухаарахгүй байх байсан. Энэ бол, миний амьдралд гайхалтай өөрчлөлт гарах боломжтой болгосон, цаг хугацаа өнгөрөхөд хамтдаа алга болох өгсөж уруудсан олон жилийн туршид хамгаалсан бүдүүлэг итгэлийг маань зөвшөөрсөн Бурханы гайхамшигт ажил. Энэ нь миний алдаатай үнэт зүйлс, амьдралыг үзэх үзэлд бодит өөрчлөлт гарахыг зөвшөөрсөн, бас надад зөвхөн үнэний мөрийг хөөх, бүтээлийн үүргээ биелүүлэх нь жинхэнэ хүний амьдрал бөгөөд Сатаны харанхуй нөлөөг таягдан хаяж Бурханы үгэнд суурилан амьдарснаар л утга учиртай, үнэ цэнэтэй амьдарч чадна гэдгийг ойлгох боломжийг надад олгосон. Энэ нь бүхэлдээ, өнөөдөр надад буй өөрчлөлт, ойлголтыг боломжтой болгосон Бурханы шүүлт, гэсгээлтийн үр жимс билээ. Бурханы шүүлт, гэсгээлтийг туулан гарахын тулд надаас цэвэршүүлэлтийн шаналлыг шаардсан хэдий ч би Бурханы бодит ажлын талаар, Түүний нинжин сэтгэлийн мөн чанар, Түүний зөвт болон ариун байдлын зан чанарын тухай зарим нэгэн ойлголттой болсон. Би одоо, надад олон жил хор хөнөөл учруулсан Сатаны хорнуудыг тодорхой харж, жигшин, таягдан хаях чадвартай ба жинхэнэ хүний амьдралтай байж чадна. Эдгээрийн аль нь ч дэмий хоосон өнгөрөөгүй. Энэ бол хамгийн утга учиртай, хамгийн үнэ цэнэтэй зүйл. Энэ зам дээрээ би өнөөдрөөс эхлээд шүүлт, гэсгээлт, Бурханаас ирэх туршилт, цэвэршүүлэлтээс улам ихийг хүлээн авахыг хүсэж байна. Ингэснээр миний ялзарсан зан чанар удалгүй цэвэршиж би Бурханы хүсэлд нийцдэг нэгэн болж чадна.

Тайлбар:

a. Эх бичвэрээс “хүсэх” гэдгийг хассан.